حلوو

اجل اسمعيني

انا ما اقولك انه الحل سهل يمكن لو انها بنت عادية ممكن تتأقلم مع حياتها عادي وبالعكس تعيش بعد طلاقها احسن من لو انها متزوجة

لكن مادام انها كذه فلاااازم تعرف اولا وقبل كل شي انها في ابتلااااء عظيييم من الله

عارفة اكثر شي خلاني اطمئن انك قلتي انها انسانة ملتزمة وتخاف الله

صدقيني في بعض الناس مايمنعهم من الغلط والحرام الا خوف الله

يعني في ناس عاديين يعيشوا حياتهم عادي خاصة البنات يكون اهم شي عندها موضة برستيج صديقات

مو معناها انهم تافهات لا

ممكن يكون عملها او دراستها + صداقاتها يكفوها ويخلوها تحس انه حياتها كويسة وانها عايشة لهدف ومو ناقصها شي

وفيه ناس رغبتهم جامحة وهذولا مالهم حل الا الاعتصام بالله

شوفي حبيبتي

اول شي لازم تكون عندها ارادة قوية ورغبة صادقة في انها تتخلص من اي شي يثير رغبتها

رغم اني عارفة انه اثارة الرغبة شي ممتع بالنسبة لها لكنه للاسف يؤدي الى مالا يحمد عقباه

عشان كذه اول خطوة هي انها ماتجلس لحالها كثير

ممكن انها تنعزل في غرفتها مثلا وتجلس تتخيل

الخطوة الاولى ماتجلس لحالها

اذا هذه عدت بسلام تبقى التخيلات التي تداهمها وقت النوم

وحلها انها ماتروح فراشها الا وهي منتهية من التعب تردد اذكار النوم والشيطان بيجيها طبعا عشان يشغلها عن الذكر وعلى طول تنام

كمان تبتعد عن الافلام الرومانسية والمسلسلات

تتجنب الاغاني العاطفية لاني ادري انها تتأثر بكل كلمة فيها مو تسمعها وخلاص

اما بالنسبة لزوجها

ما اقدر اقولها ارجعي او تطلقي

لكن لازم تعرف انه زوجها مو هو اللي يمنعها من الحرام

الشي الوحيد اللي يمنعها من الحرام هو خوفها من الله سواء كانت متزوجة او لا

تدري ليش؟

لانها لو رجعت لزوجها وما ارتاحت معاه ولا انحلت المشاكل اللي بينهم وكان خوف الله في قلبها مو ذاك الشي

وقتها راح تنحرف وتبدأ طريق الخيانة

لكن لو تمكن خوف الله من قلبها راح تحافظ على نفسها مو عشان زوجها وعشان لاتخونه لا وانما لانه حرااام

انما زوجها مو مهم اصلا هو مايستاهل الاخلاص ، لكن ربي هو اللي يستاهل الطاعة وعدم العصيان

نصيحتي لها انها تستخير الله عز وجل وماتستعجل

وما تشوف زوجها انه هو طوق النجاة

لانها لو شافته طوق النجاة راح تكون سعيدة وملتزمة طالما هو مريحها

وراح تنحرف وتكون تعيسة اذا كان مو مريحها

الحل انها تكون مع الله وتدعي ربي في آخر الليل انه يعصمها من الغلط وانه يريحها

ولازم تحتسب الاجر عند الله وانها في ابتلاء وانها اذا صبرت عن هذه الشهوات كلها بتلقى احسن منها في الجنة

تدري ؟

اذكر وحدة كذه جاهدت نفسها ، وقالت لي تصدقي اني كل يوم في الليل اشم ريحة عطر رجالي مو عطر زوجي لا عطر غير

قلت لها هذا عوضك في الجنة باذن الله

الصبر حبيبتي الصبر ان الله يحب الصابرين

ايش احلى من محبة الله لها؟

الله يوفقها يارب

وبانتظار ردك