السلام عليكم ورحمة الله وبركاته

وكل عام وانتم بخير بمناسبة الشهر الفضيل

اخواني في هذا المنتدى الذي هو ما الجأ اليه بعد الله سبحانه وتعالى

اعاني من ألم وضغوط نفسيه جدا سببت لي الانفجار المستمرررر

تزوجت من رجل مطلق وعنده طفل قبل سنتين ونصف وكتب الله ان حملت وانجبت بنوته والحمدلله

كنت مبسوطه جدااا مع زوجي وهو يحبني كثيرااا وانا كذلك ... طبعا تعرفون رجل مطلق وعنده طفل

كان يعاني من ضغوط وكانت هناك مشاكل من ناحيته ولكن لم يصارحني بها وانا كذلك كانت طليقته قد

تسببت لي بالكثير من المشاكل وكنت اخبره وكان يحسسني بالاطمئنان ويثبت لي انه يحبني وكنت

بعد ذلك اطنشها.... بعد ذلك هي يأست وماعادت تدق او تكلم وماكنت في ذاك الوقت تعني لي شي

وحملت وجبت بنوته ولكن من يوم رجعت بيت زوجي انا وبنتي انقلبت نفسيتي وصرت انسانه أخرى

وصرت حساااسه لدرجه كبيره وكنت دايم ابرر ولكن مليت لان الى الان وانا عمر بنتي سنه وانا نفس

الحاله ماتغيرت يوم اكون مبسوطه و10 زعلانه ..والاسباب لاني كنت اضغط على نفسي اذا ضاق

صدري من كلمه يقولها لي من غير قصد واكتمها في نفسي والحين خلاااص تغيرت صرت حتى اقول

في وجهه اني ندمانه على زواجنا مع انه الموضوع يمكن البعض منكم يعتبره عادي لكن ماادري ليش

تغيرت كرهت كل شي وكرهت كل ذكرياتي اذا تذكرت بعض مواقفه معي

يعني لما زراني بعد الولاده وشاف بنوتتي قال تدرين مااحس اني احبها مره ... لكن عكس اخوها

احس اني اموت فيه واحبه ( طبعااخوها من زوجته السابقه وتعرفون كيف الوضع حساس ) سكت

وماقلت شي .. ومع كذا ماكان ينتبه لمشاعري كل مارحنا لمكان او طلعنا قال ودي اشتري هذا وهذا

وذاك لولدي ..وبنتي مايذكرها ابد ... وانا والله ماكنت احب انه ابين له اخاف يحسب نيتي سيئة لان

بطبيعتي انسانه حبيبيه وما احب الظلم .. وخصوصا انه ولده .. وبنتي الان لها سنه ماقد شرى لها ولا

لعبه ولا هديه ولا حلاوه ولا اي شي بعكس اخوها اللي ماينساه ابد.. وكنت اذكره يقول بعدين ولا مو

فاضي...حتى كبت ملابس ولا سرير شرى لها... مع انه انسان حبيب وطيب وقلبه حنون بس مدري

ليش كذا حتى لما كنت ابغى عربيه لها قلت له قال خوذي من اختك او من اختي اور روحي انتي ..

اما اخوها لما كان بعمهاراح من نفسه واشترى له من احسن المحلات عربيه ومشايه وطاولة طعام

بالله عليكم هذا مايجرح ... يعني لو كانوا كلهم اولادي وشفت الفرق في المعامله ازعل فكيف لو كان

كذا ؟؟

تعبت وانا اضغط على نفسي ما ابغى انا اقوله هات ابغى هو من نفسه مثل مايسوي لا اخوها يسوي

لها ..

وزياده على كذا صار مايجلس معي ولا يسلوف معاي حياته كلها يداوم بعد كذا يطلع وينام بعد النوم

يطلع ولا يرجع الا عند النوم واذا بسولف معاه قال فيني نوم ... وانا بالمقابل كل يومي تنظيف ترتيب

غسيل طبخ اهتمام ببنوتتي وغير ذلك من الاعمال المجهده ومع كذا ما انبسط وارتاح اذا تواجد عندي

حتى اهلي في مدينة غير مدينتي وما اسافر لهم الا بعد مده طووويله ولا اجلس عندهم كثير لانه

رافض الفكره .... كل هذه الامور اجتمعت علي من ضغط شغل البيت ومن ضغط زوجي علي مما سبب

لي الاكتئاب لدرجة اني افكر اروح لا اهلي حتى نرتاح من بعض

آسفه على الاطاله ولكن انصفوني هل معي حق اذا تضايقت من تصرفاته خصوصا من ناحية ابنه لاني اليوم كالعاده دخل بينام وانا كنت تعبانه وبنتي مزعجتني مريضه وشغل البيت وكنت بسولف معه قال فيني نوم فا انفجرت وقلت له انك ماتهتم في بنتك ولا تجلس وماراح نستمر كذا لان الضغط بيولد الانفجار وطلعت وتركته

__________________
لاحول ولاقوة الا بالله العلي العظيم

اللهم اني اسئلك ان ترحم والدي وتغفر له وتجعل قبره روضة من رياض الجنه

اللهم انقله من ضيق اللحود ومراتع الدود الى جناتك جنات الخلود

جنات الفردوس الاعلى ياكريم