الامل بالله ثم فيكم ....؟
اخواني واخواتي الاعزاء يهمنى رايكم بكل صراحه ووضوح
انا انسان عمري 26 سنه متزوج من سنتين تقريبا سبقتها فترة ملكه تقريبا 6 اشهر عشقتها بجنون حتى لا اعلم كيف اتصرف وكانت هناك مشاكل وقت الملكه وكل مره اقول ياولد الصبر زين بكره احلى ان شاءالله مع الايام والعشره راح نفهم بعض وصار شد وجذب ومع ذلك اكبر عقلي بالرغم انها اذا زعلت مستحيل ترضى بسهوله بل مستحيل جدا لازم يومين ماترد حاجه زي كذا المهم حاولت افهمها واعقلها بس برضه الامور كما هي المهم صار الزواج وجمعنا بيت والامور ليست حسب ماتوقعتها يعني لايهم زعلي لايهم رضاي تقول انا الشي اللي مرتاحه له اسويه واذا عاتبتها بلين قالت انا ما اخطيت للعلم البنت دلوعة اهلها المهم اول سنه الموضوع تطور صار ودني لأهلي ووالدها الله يهديه محامي ناجح جدا لها مره من المرات اعترف بالخطأ طلعت عن طوري ومديت يدي كبر الموضوع جدا جدا وقلت ياساتر اذا الموضوع بس كلام يالله افتكيت من والدها هالمره مديت يد الله يحلها المهم جلست شهر عند اهلها صار الوسيط بيني وبين اهلها عمها اخو ابوها طبعا عمها ماشاء الله تبارك الله رجل فاهم وعاقل وفرق كبير بينه وبين والد زوجتي وعقلاني جدا وقال ان ابو زوجتك يقصد اخوه انه رجل مغلوب على امره نظامه كل شي يصير بس بناتي لا احد يتعرضهم حتى لو خطأ واتذكر ان مره صارت مشكله قالي لاتقول لها شي تعال كلمني انا اربيها قلت وش دوري انا المهم بعد شهر عند اهلها رجعت عن طريق عمها وابوها صار يعتذر مني ويقول انت ولدي ومن هالكلام المهم خلال السنه ماصار حمل سافرت تعالجنا والحمد لله صار حمل وهي الان بالشهر الثامن ولا زال الامر مستمر الزعل مو مهم والرضا من ومهم عندها تحب تفسر الامور على كيفها براحتها حسب هي ماتشوف مو انا اللي اشوف الان هي متعبها الحمل شوي وسكنا عند اهلي تفاجأة باللي هو اعظم صارت حاطه كل شي على والدتي وانا احاول اطنش قدر المستطاع لكن للصبر حدود طفشت تقول امك ماتجلس معي امك ماتقول امشي وروحي مع انها هي عند اهلي الان بسبب انها تعبانه كيف بتروح وتجي وانا اتغاضى اخر الايام فيه حركه جديده انا اغلب وقتي بالدوام اكتشفت انها ماتاكل معاهم واذا والدتي بنفسها ودت الاكل بغرفتها ترفض تقول مالي نفس طفشت وبين ناريت امي واهلي ومولودي اللي بالطريق مابي اظلم نفسي ولا الطفل اللي جاي مع اني تكلمت انا معاها تقول انا متحمله على شانك مع ان اهلي والله والله والله مايجي منهم خطأ هي اللي تجلس عندهم ماده بوزها كأن احد ضاربها يحلفون عليها تأكل تتقهوى وهي ابدا ولا اي اعتبار اشوف واسكت والمشكله انا تكلمت اكثر من مره بس لاحياه لمن تنادي
التعديل الأخير تم بواسطة أم داليا ; 26-07-2010 الساعة 11:58 PM
25-07-2010, 12:14 AM
ضوابط المشاركة
العرض الشجري