شوفي أنا ماراح اقول لك سمعت أو قرأت .. أو .. أو ..

أنابنفسي رحت لمركز من مراكزه وتكبدت عناء سفر وبحث عن المركز ..

أول ماوصلت شكل المبنى جدا بدائي .. انتظرت في السياره ونزل زوجي سأل عنه قالوا هذا مركزه

وهو موجود بس خذ رقم .. قلنا تمام .. دخلت المبنى وزادت صدمتي لا نظافه ولاهم يحزنون ..

وغرفة انتظار وحده للسيدات وصاله وغرفه مفتوح عليها للرجال .. وحر وملل وشئ مايعلم فيه

إلا الله .. سألنا عنه قالوا موجود بس زحمه قلنا هو بنفسه قالوا ايه هو .. وانتظار وراء انتظار

وأحنا في حاله يرثى لها من الوضع اللي نشوفه اقسم بالله ماتشربي الماء في المركز من سوء النظافه

جاء دورنا ويافرحتنا بنقابله وبناخذ علاج لأم زوجي تخيلي لما دخلنا من شفنا ...

موظفتين من بلده وموظفه جالسه جنبها .. قلنا وين الدكتور ..قالوا مو موجود .. واصلا موفي المنطقه

في مدينه ثانية .. واحنا من وصلنا نسأل ويقولون موجود بنفسه .. وهنا جن جنون زوجي ودخل معهم

في نقاش طويل والحاله حاله .. قلت له خلنا نشوف وش وراهم اصلا امك إذا جينا وماجبنالها شئ

بتزعل فدامنا وصلناهم خلنا نشوف وش عندهم ..

سألونا عن وضعها ووش معها وتسجل وحده من الموظفات الملاحظات بجهاز قديم جدا .. وبعدها قالوا

روحوا خوذوا العلاج من تحت .. كذا على طول طيب من انتم حتى تعطونا العلاج ووش شهاداتكم وتعليمكم

وكيف تعرفوا تشخصوا .. قالوا هو كاتب للسكر كذا للسرطان كذا .. يعني محدد كل شئ وكل حالات

السكر عنده تتشابه وحالات العقم تتشابه وهلم جرا ..

عصب زوجي مره ثانيه وأنا الحقيقة جاتني هستيريا ضحك من الموقف وحسيت فعلا أن الدنيا حظوظ

حصل شهره ومال ماحصلوها الاطباء العباقره اللي تعبوا سنين ..

المهم حتى يرضوا زوجي قالوا له انتظر شوي بيجي دكتور ثاني مدرب على يده وراح ترتاح .. انتظرنا

تقريبا نص ساعة وماجاء احد وبعد مماطلات اتصلوا عليه وطلع في بيته ماله نيه يداوم وجالس يتغدى ..

خرجنا من عندهم وما اخذنا شئ ومرينا على صيدليتهم .. اللي كأنها مطبخ في بيت قديم بس حتى

نشوفها ..

تخيلي الادوية إن صح تسميتها ادوية مجهزه في برطمانات وموظفه شكلها مايأهل أنها تفك الخط

بس تشيلها وع الكيس على طول .. ولا تكييف ولاهم يحزنون تخيلي الاعشاب والزيوت والعسل

والماء اللي يعطى للناس كيف بتكون حاله بعد هذا الوضع ..

هذي تجربتي الشخصية نقلتها ولك الخيار ..

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..