اخر مرة زوجتي لبست قميص نوم قبل .......؟؟؟؟
السلام عليكم
متزوج منذ 4 سنوات ولله الحمد مبسوط مع زوجتي ولي منها ولدين.
بإختصار كانت الحياة الزوجية معتدلة فلم تكن ملتهبة ولم تكن باردة في اول سنة. نظرا لظروف كنت اتوقع انها خارجة عن الارادة .... وهي تأخر الدخول 3 اشهر وما صاحبة من آلام وعدم استمتاع الزوجة باللقاء - السفر لأمريكا للدراسة 3 سنوات ....في مدينة باردة تصل في الشتاء الى -29
في جميع مراحل السنوات السابقة كانت هناك اعذار من زوجتي وكل مرة توعدني ان الفترة المقبلة سوف تكون افضل وانا امني نفسي . لذلك سوف اعود للوراء واسرد تلك الاعذار علكم تساعدوني في حلها لاني وصلت الى مرحلة احس ان ماني متزوج.
1- بعد الزواج لم ييسر الله الدخول نظرا لشده خوف زوجتي من الألم وكثرة حرصي على مشاعرها حتى لا تكره المعاشرة الزوجية واستمر الوضع 3 اشهر ولم ادخل بها حتى استقرينا في امريكا وكانت معظم لقائتنا تشوبها التوتر والخوف والقلق. وبصراحة كانت دائما ما تتزين لي. ولكن كانت هناك مشكلة في السعودية وهي احساس زوجتي بالبرد ( تطفي المكيف ) واحساسي الدائم بالحر ( اشغل المكيف) تلك المشكلة كانت تنغص علينا كل لقاء. وفي امريكا نفس الوضع الجو بارد فمعظم لقائتنا كانت بدون لبس قمصان النوم. وكانت توعدني انه اذا جا الصيف بتلبس كل اللي اتمناه.
2- جا الصيف ولكن كانت زوجتي حامل وتتوحم وكثيرا ما كانت تظهر عليها علامات عدم الرغبة والنوم المبكر - والاستفراغ والمزاج التجاري وكان اللقاء كل 3 اسابيع او 4 ولاحظوا انا مالنا 4 او 5 شهور زواج واللقاء سريع جدا وبهواش لانها تتضايق. وكانت تصبرني انه في الشهر الخامس راح تتحسن الامور ويخف الوحم وراح نستمتع بحاتنا الرومنسية.
3- مرت الايام ولم يخف الوحم وخفت رغبتي اصلا في زوجتي لان الموضوع اذا لم يكن مرغوب من الطرفين احس ماله سنع ولا له طعم.
4- رزقنا الله بمولود جميل حفظة الله وجائت مشكلة الطفل والرضاعة وعدم الراحة في النوم والصحيان المبكر والسهر ومازالت تحس بآلام عند اللقاء ( بدون لبس ولا اجواء رومنسية ولا يحزنون - 5 - 10 دقايق وخلاص ) وكانت تصبرني اني اصبر لين يصير عمر الطفل 4 اشهر ويتعدل نومة وناخذ راحتنا. كبر الطفل وجا البرد مرة ثانية. وجات مشكلة اللبس الثقيل والشراريب والدفايات والفروه - اصلا قمصان النوم كانت بشنطة في المخزن ولا في امل تطلع.
5- لما كنا نرجع السعودية والجو يكون ممتاز وفي بيت الوالد جناح خاص بنا , كانت الأعذار انه احنا مو في بيتنا ولا تحلم اني البس واتزين وش يقولون علينا وعيب من ذا الكلام. كانت تخجل من الغسل وكانه جريمة.
6- رجعنا امريكا ونفس الموال - برد - طفل - رضاعة تعب البيت رغم انه غرفتين وصالة وحمام
7- بالأمانه كانت هناك ايام قليلة تلبس فيها وتتزين ولاكن ولله معدودة على الاصابع. لما ازعل واسوي قصة.
8- حملت مرة ثانية وتوحمت ونفس الموال و9 اشهر واللقاء يصير كل 3 اسابيع مرة او كل شهر مرة طبعا بدول لبس او اية رومنسية .... ومعضمها يكون توقيتها سيء اما اخر الليل يوم تكون زوجتي مرهقة وانا طافي - او في الويك اند والطفل يصحى ويبكي .
انولد الطفل الثاني ولله الحمد وبأختصر وكانت توعدني انه لو رجعنا السعودية وجبت شغالة حياتنا بتصير قمة الرومنسية لانها بتشيل عنها حمل البيت والأطفال وتصير هي فاضيه لي ...
9- طبعا اوقات كثيرة لما تكون زوجتي في مزاج جيد اكون انا عندي بحث او دراسة او مشاغل وهموم.
10 تخرجت ورجعنا السعودية وتوظفت وظيفة محترمة وجبنا شغالة وخلاص صار لنا شقة خاصة انتهت مشاكل الآلام وصارت زوجتي تستمتع باللقاء اكثر من زمان ولكن تعودت انها ما تبذل اي مجهود في التزين لي ... حتى قمصانها هي نفسها حقت الدبش قب 4 سنوات ما زاد عليها شي.
وتعودت ان اللقاء يكون حسب الطلب وبعض الاحيان يكون ( نص لقاء ) يعني طرف واحد فقط خلص وامشي.
عندها نظرية غريبة وهي عيب ان الزوجة تبين رغبتها في اللقاء وعيب انها هي اللي تبادر وتلمح. طبعا انا هذا يضايقني كثيرا لان الرجل يحب ان زوجته ترغب فيه وهي تكتم هذه الرغبة. وكم مرة حاولت اشرح لها انه يسعدني جدا انك ولو لمرة وحده تطلبيني للقاء. - بدون فايدة
قضية اخرى وهي الاهتمام بالجسم حسب رغبة الزوج لانها نحيفة مرررة طولها 166 ووزنها 51 والمفروض تكون حول ال 60 ويهمني جدا جدا جدا انها تكون مليانه شوي مهوب دبية . وهي ضدي تماما ترى انه مالي حق في جسمها وانها تخاف تصير سمينة وما تقدر تنحف ... وبصراحة ما يميز النساء عن الرجال هي علامات الانوثة في جسمها وهي اللي تطيح راس الرجال وتخليه ينجذب الى زوجته ويرغب فيها.
تتوقعون وش تقول الان بعد ما صارحتها اكثر من مرة في رغباتي واهتمامها بي - الانهزام والتقهقر
تقول اذا انا ماني موفيتك حقك توكل على الله تزوج علي - وش اسوي لك.
كل مرة اقولها غيري نظام نومك ونوم الاطفال خليهم ينامون بدري عشان نكون لوحدنا فترة طويلة
هي ما تنام الى 5 الفجر وتصحى 2 الظهر وانا اداوم من 8 الى 6 العصر وانام حول 12 او 1 يعني طول النهار الاطفال معانا .... ولا ودها تنومهم بدري عشان لا تضطر تصحى بدري.
ما يحز في نفسي اني احبها وهي تحبني ولاكنها تفتقر الى وضع خطة تمشي عليها وتفتقر الى الإلتزام بأي خطة اقترحها عليها.... ودايم تقولي ترى كل المتزوجين مثلنا مرتين بالأسبوع او 3 .... واقول لها على الاقل تلاقي اول سنة كانت ملتهبة وطلعوا اللي في خواطرهم.
صرت في الفترة الاخيرة اتخيل نفسي متزوج زوجه دلوعة لان عمري الان 34 وودي استمتع بما احله الله لي. طبعا التخيل لا يعني اني معزم وناوي ولكن هو طريقة للهروب من الواقع.
اغبط بعض الاصدقاء الذين يصرحون في جلسات الشباب انهم يمشون زوجاتهم على مزاجهم وياخذون حقوقهم الزوجية 3 مرات بالأسبوع وبدون اطفال وبأجواء رومنسية ....
هل المشكلة فيني انا اني ما كنت حازم في حقوقي ام هذا ساير جميع المتزوجين.
انتم نساء واكيد تفهمون تصرفات زوجتي. وترى هي مهي بارده وكثيرا ما تقول لي انها تحلم بي في النوم. ولكن ما عندها استعداد انها تسوي شي او تغير نظام.
شورتكم وهداية الله ...
10-07-2010, 12:58 PM
ضوابط المشاركة
العرض الشجري