السلام عليكم
انا عضوة جديده اتمنى تتقبلوني بصدر رحب قريت مواضيع كثيرة وشفت تفاعلكم مع الاعضاء وتحمست اكتب موضوعي محتاجة ارائكم فعلا لان النت وسيلتي الوحيد اني اقول بخاطري
مشكلتي باختصار اني معلمة عمري 25 سنة وعندي اختي تو تخرجت من الثانويه هالاسبوع عمرها 18 انخطبت قبلي واهلي فرحو وموافقين
انا طرت وربي من الفرحه واقنعت امي توافق لان اللي خطبها اخلاقه عاليه هو من قرايبنا وقد شفته وانا صغيره هو بعمري او يمكن اكبر مني بكم شهر
انا مع هالفرحة حسيت بكسره قويه حسيت اني كبرت وماعدت مرغوبه حسيت اني مو جميله مع اني والله وبشهاده الكل جميله وجامعيه وهاديه ومالي بالامور السيئه انا احس انه شعوي طبيعي واي وحدة بمكاني بتحس فيه خصوصا ان الفرق بيني وبين اختي كبير طول عمري اعتبرها طفله وادخل مواقع مشاكل زوجيه واشياء اقرا واقولها انا بتثقف لاني بسن زواج كنت استصغرها وماحسيت انها بتكون قبلي انا مو حاسدتها هي تستاهل وربي وفرحانة لها بس احس زواجها بيعلن للكل اني كبرت
اللي يذبحني اني انخطب نااااااااااادر وان انخطبت ماتتم خطبتي لاتقولو عين وماعين انا اقرا الرقيه وارتاح واحافظ ع الاذكار
مشكلتي اني مو قادرة اخبي حزني عن اهلي وجهي يفضحني لدرجة امي تقول لو ماتبين نوافق نرفض والبنت باقي صغيره لكن انا رفضت وقلت خليها تتزوج ليش لو ماتزوجت انا بوقفها معي
والله احس ان خاطري مكسور لو كان الولد صغير وقريب لعمرها بقول اصغر مني لكن اكبر مني وامه دايم تمدحني ليش مافكرت فيني انا احس هزت ثقتي بنفسي احس مو قادرة اواجه احد اكتب لكم والعبره خانقتني من امس حزينة وبغرفتي اتحجج بالصداع وانا وربي بكيت لما تعبت
فوق هالاحساس المتعب وقله الثقه اللي جتني خوفي من بكرا خوفي من نظرة الناس لي وشماتة كثير ناس خوفي من فراق اختي الصغيره اللي مسليتني والله انا معاها واحس بوحشه كيف لو تروح
وربي الليل صعب علي احس بوحدة تذبحني
والشي الاهم من كل هذا خوفي على نفسي صحيح عيب اقول هالكلام لكن وربي انا محتاجة للزواج احس صرت بسن ودي اتزوج اكون اسره ودي بزوج رجل معاي اعيش معاه وربي لما اروح السوق من اكثر من سنة اشتري ملابس قصيره واشياء ماتناسب البسها كوني ملتزمة ولما تسالني اختي ليه تشترينها كنت اضحك اقول حق بكرا لو اتزوج احس تحطمت وماعاد للحلم هذا قيمة الحين الناس بتستضعفني ومابيتقدم لي الا شخص كبير او عادي تعبت من اني احس اني اقل من اهلي وخواتي وبنات عمي
والله كان ودي وحلمي اتزوج
ابيكم تدعولي وتدلوني على طريقه اخبي هالحزن عن اهلي وماحسسهم اني زعلت وابي تدعولي بالهدايه وربي جتني رغبه اخش شات اتعرف اسمعغ اغاني استغفر الله احس ابي انتقم من نفسي احس كهت نفسي
02-07-2010, 06:39 PM
ضوابط المشاركة
العرض الشجري