تقريبا زوجك نفس زوجي
يعني لو انا بمكانك راح اقولك كيف اتصرف وانتي على نفس هالمثالين تصرفي معاه مستقبلا
موضوع السفر .. لو جا وقالي ابين له اني مثل الطفل اللي وعده يروح للملاهي وزعل يعني مو عصبيه واقوله كان نفسي فيها بس كلمتين بس اقول يالله خيرها بغيرها واخليها بقلبي واروح افشش عند اختي وارتاح.. معاه مافيه راحه بالنقاش
وموضوع انو تنازل عشان زميله ماراح يفيد فيه النقاش ماراح يعترف بغلطه في هالموضوع اخليها بقلبي ولو قالي عن الموضوع بنفسه اقوله بهدوء الله يسعدهم يارب وماقصرت معاهم يستاهلوو الله يجزاك خير وادخل كلمة يارب عقبالنا نروح نستانس زيهم بيفرح بمدحك له وبتعلق براسه الكلمتين الاخيره وبتجلس تزن براسه الين يجي ويسفرك
حكاية الشغاله لازم يكون همك الاول والاخير راحتك انتي وماعليك من احد .. مو عازم اهله خليهم يساعدونك مو الشغله لهم خليه يجيبها لك والا ان شاءالله شغالة اخته والا اخوه وبس يقولك هالشئ كان قلتي له ايوه حبيبي الله يجزاك الجنه عني والله نفسي اريح اهلك ولما يجون يكون اكلهم جاهز الله يعينهم جايين من سفر .. وكمليها بقولك خلاص ياعمري انتظرك تجيبها لي عشان اخلص بدري وارسلهم الغداء بدري ولا اتاخر عليهم يعني تأكدي له انو حاجتك لها عشانهم هم مو عشانك وراح يفرح ويتشطر ويروح يجيبها وهوه يتولى طلبها لك وانتي مرتاحه ببيتك بكره هوه راح يشوف بنفسه انو هالشغله ماتنفع وراح يقتنع بأنو يجيب لك شغاله مؤقته .. بالاخير انتي الكسبانه وشاريه راحتك .. وهوه حاسس انو فوق الريح من مدحك له ومدحك لفكرته وصدقيني هالنوع وقت الزعل لاتناقشيه واسكتي بس وبعد يوم يومين لو اسبوع تجيه تناقشيه بكل هدوء والله غير تاخذي حقك منه واعتذار منه وبوسة راس
تعرفي زوجي لما اكلمه بوقت الشغله يهب فيني نفس زوجك ولو ازودها واكلمه وصلنا لمشاكل مالها حد .. تعرفي انو مع اسلوبي معاه هدأ كثيير عن قبل وصرت اخذ منه ثلاث ارباع حقوقي
بس ارجع واقولك عليك بالكلام الحلوو والدعاء على طول خلي لساانك ينقط عسسل بتكسبيه والله
الله يهدي سركم ويسخره لك ويحببه فيك ودايم ادعي هالدعاء
موفقه بأذن الله
29-06-2010, 07:47 PM
ضوابط المشاركة
العرض الشجري