السلام عليكم ورحمة الله وبركاته
صباح مُشرق .. ببسمته!
عزيزتي فجر جديد ..
الزوج البيتوتي هو الذي يذهب الى عمله ثم يأتي ليرتاح في بيته
ولايخرج كثيراً مع اصدقائه..!
سلوك طبيعي جداً ..
الزوج يتدخل في شؤن بيته ويمارس حقه بالكامل مع زوجته ايضاً مافيها شي!
بالعكس لما يجي ينتقد ويشارك ويتفاعل مع زوجته شي جداً رائع
اما اذا كان اسلوبه قاسي ولاذع ,فالزوجه لازم تعلمه كيف يتعامل معاها والاسلوب الي يريحها .. المفروض الزوجة ماتكون سلبيه لازم تعرف كيف تتعامل مع زوجها
تقول له انشاءالله ولايهمك بغير مكان الكتب بس وين احطها ..وليش اشرايك على هالطاولة؟!
بالعكس الزوج والزوجة لازم يكونون مع بعض مشتركين في كل شي تربية الاولاد ..اختيار نوع الطبخه .. ديكور البيت.
ثانياً .. ليش يطلع الزوج؟!عشان تحط لها روب على وجهها وتلبس الي يريحها وتاكل بالطريقة الي يعجبها وتتكلم في التلفون؟!
شو فيها لو زوجها موجود وهي مارست حريتها؟! هذا زوجها يعني مافي فرق كونه زوجها وصديقها وماكيرها الخبير ومهندس ديكورها ومصفف شعرها ويكون ابوها وامها واختها واهلها كلهم !
بالعكس هو يقدم لها الزبادي ويساعدها ويضحك معاها ,يلعب مع الاولاد وهي تشوف البرنامج التلفزيوني الي تحبه واذا ممكن يشاركها مثلا مشاهدة المسلسل,يمكن الزوج يفتقد ان يشوف زوجته تتصرف على حريتها!
مااعرف بس احس ان المشكلة في الموضوع كله تتمحور حول ان الزوجة اتخذت موقف سلبي من وجود زوجها في البيت!
المفروض الزوجة بذكائها تغير الادوار وتستفيد من وجوده مب انها تنتقد!
ومع كل كلامي انا مااقول ان الزوج لازم 24 ساعة باليوم عند زوجته
طبعا لازم في يوم او يومين يتاخر شوي في المسجد .. او يطلع مع ربعه ,بس كونه معاها في البيت شي جداً رائع وفي قمة الوفاء.
تحياتي للجميع وبالخصوص لج ياعزيزة
التعديل الأخير تم بواسطة همـــســـة ; 28-07-2004 الساعة 07:42 AM
28-07-2004, 07:36 AM
ضوابط المشاركة
العرض الشجري