مساء الخير يا قمرات

يا رب يكون الكل بخير


انا بطمنكم عليا انا و كريم بخير و الحمد لله وصلنا مصر و طبعا نورت بينا


انا حرد بسرعة على اللى فكراه من اللى قريته


نعومتى
انا حاجى اشمر و اتخانق مع جوزك
يعنى كلنا بدون استثناء روحنا لدكاترة رجالة و "حطين الجزمة فى بقنا" عشان ربنا يكرمنا و كمان منعجبش
بصى هو انا ليا راى فى الموضوع دا احساس الابوة دا احساس مكتسب لكن الامومة دى غريزة
انا جوزى كان نفسه جدا فى بيبى بس مكانش بيعمل حاجة عشان ربنا يكرمنا لكن انا كنت بعمل اللى مفروض اعمله و اللى مش مفروض كمان
ربنا يكرمك و يفرح قلبك بس انتى متسبيش الموضوع كدة عشان دا تواكل تعملى اللى عليكى و الباقى على ربنا لكن نسيب الموضوع و نقول ربنا يكرمنا اهو دا اللى غلط


زهورة انا اول مرة اعرف ان الواحدة لما تولد قيصرى تتعاير
بجد انا قعدت اضحك قوى من الافكار دى
دى الولادة القيصرة اصعب من الطبيعى فى فتح البطن
و اذا كان كانت اسهل كان الكل ولد قيصرى و جاب من الاخر
بجد نفسيات مريضة
بس موضوع ان الولادة الطبيعية بتجلب احاسيس كبيرة للام انا سمعت كدة برضو
بس اللى مستغرباه عرفو منين اللى ولدت طبيعى بتحب ابنها اكتر؟!!!!!! يعنى انا نفس الانسانة مين قلقكم انى لما اولد طبيعى كنت ححب كريم اكتر من دلوقتى؟
و بعدين حتى لنفس الانسانة مش يمكن هى اللى بتفضل بيبى عن بيبى لاسباب نفسية
عموما خليها تتلهى و قوليلها طب براوف عليكى انك ولدت طبيعى جوود فور يو و قوليلها انك اذا حبيتى عيالك اكتر من كدة ممكن تتجنينى
ربنا يهدى
المهم ان شاء الله تطلع بنت و تفرحى بيها و تكون احلى واحدة فى الحتة كمان


حلومة الف سلامة على جدو حبيبى ان شاء الله متشوفوش شر فيه ابدا
و بعدين ان شاء الله الحمل جاى لوحده من غير اى حاجة ربنا يكرمك و يفرح قلبك يا رب


منى ربنا معاكى يا رب و يفرح قلبك بأذن الله


فلونا معلش احتسبى الاجر عند ربنا و ان شاء الله ربنا حيكرمك بجد الناس بقت وحشة قوى و بتنهش فى بعض
حسبنا الله و نعم الوكيل

مرموسة انا هنا يا سكرة من الصبح كتبت مشاركة و طارت و جيت عشان اكتب تانى معملتش حاجة و الكلام دا من الصبح و انا فاتحة كدة



باقى البنات بحبكم فى الله




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة