أنا مادخلت الموضوع من البداية لأنه مخصص للأزواج
بس قريت عنه دعاية وجيت أقراه



اللي لازم نفهمه ان الرجال أنفسهم يختلفون
والزوجات برضو يختلفن
مو بس الجنسين

مثلا طريقة الاستقبال الرومانسية ماتصلح للكل
للأسف أناوزوجي ضحية لهالتعميمات والتعليمات العامة
زوجي مايحب الرومانسية بتاتا البته
لاليلي رومانسية ومساجات ولا استقبالات ولا حفلات ولا حتى رسائل جوال
هو كذا طبيعته
اللي صار
عطاء من طرفي بس بالمجال الخاطيء
وانسحاب من طرفه لعدم التقبل
لحد ماصار انفجار من ناحيتي
يعني معقولة أقرأ ومن رجل أنهم يحبون كذا وكذا وزوجي ولاشيء يحبه وش صاير
ماصحصحني الا المصارحة
لما بدا يقولي ماله داعي انا مااحب كذا يضايقني كذا خليه بعدين

صحيح المصارحة مو بكل شيء لأنه فيه أشياء تنفهم وهي طايرة
بس لابد منها ولو كانت تلميح والا تعريض

الشيء الثاني
وإن كان خارج عن الموضوع لكنه طرق
اللي هو العطاء في ظل التهديد
يعني شو تعطيني والا طقيت عليك الثانية
كل هذا لتجنب الجرح
يالله
والزواج الثاني مو جرح

فيه أكثر من أسلوب للمصارحة
يعني مو لازم يقول الزوج ابيك اليوم تكوني واقفة لي عند الباب تستقبليني..
والا تقوله ابي هدية مو أي كلام
بإمكانه لما يدخل يناديها ويسوي اللي بخاطره ويقولها أحب لما أدخل تكوني بوجهي تنسيني التعب
وغيرها لو فكرنا زين ،وشلنا من بالنا أن الثاني بيفهم المخبأ بالظلام