طفح الكيل(حُلت ولله الحمد) - منتدى عالم الأسرة والمجتمع

23-05-2010, 09:09 AM

#20

ابو رواء

عضو نشيط جدا

تاريخ التسجيل: Mar 2005

المشاركات: 442

في البدايه احب ان اشكر كل الاخوان والاخوات الي شاركوني همي سواء الي رديت على مشاركاتهم او لم ارد

لكن يعلم الله اني قريت ردودكم حرف حرف يعني لا احد يزعل علي اني ما رديت عليه من بعد الردود رقم22

الوضع تغير بالمره

فيه شي بس بشير له وهو ان قبل الزعل كنت قايل لها ان البيت يبي تنظيف و و و

اهي ما قصرت قامت بالواجب و خلت البيت يلق

طبعاً مثل ماقلت ما تنظف إلا لما اقول لها نادر ما تنظف بدون ما اقول لها

المستجدات

طبعاً رجعت البارح للبيت وكنت قبل لا اطلع قالت انها بسوي شي وانا هددتها لو سوته ماراح يحصل لها طيب

رجعت للبيت و الحمدلله ما سويت الي في راسها

دخلت انام طبعاً هاجرها في الفراش

الا اتصال منها قلت وش تبي رديت نعم قالت تبي شي وبكل هدوء قلت لا

انا استغربت وش السالفه

المهم توني نايم

الا اسمع الباب يفتح علي و تناديني و بهبال انت نمت >> هبال يعني دلعها

جات وراي قم ماني قايم قم ماني قايم

اطلعي وخليني انوم المهم منا منا رفضت تطلع الا وانا معها قالت انت نم في الغرفه وانا انام برى بس بس والله ما تنام اليوم هنا

تناقشت معها على خفيف وقالت انها تعبانه وانها وانها المهم قلت روحي واجي الغرفه

جيت الغرفه هنا الكلام الي يبين كذبها من جد والله من جد وانها خلاص ما تقوى الهجر

قالت انت بطريقتك هذي قسيت علي كثير
وانا كنت والله تعبانه قلت لو شرحتي لي السبب كان عايدي وانتي تعرفني من انا واني اقدر ولا ارضى شي يزعلك

بعدها قلبت وقالت شف انا عارفه ان الحركه الي سويتها تبي تقهرني وانك وانك بس ترى عايدي انوم مثل امس لوحدي وترى الاسلوب هذا ما ينفع معي وترى حركتك تبين لي انك يعني تغيرت علي وانك مو الانسان الاول الحركات هذي مو علي

>>>> شفتو كيف القلبه

قالت انت قبل فتره كنت تصارخ علي ولا كنت اقول لك شي

قلت انا الفتره هذيك كانت عندي ظروف وانتي عارفتها زين و اعصابي كانت محروقه على الاخر و كنت اجي انا تعبان واضحك معك واسهر وانا ما فيني حيل -- كان الظرف و التعب الي صار كله عشانها مو عشاني والله اسويه

عشان المره هذي حاسبتيني

اما انتي طول فتره الزواج الي سويتيه عايدي
انا سويت لك كذا و كذا تنكرين قالت لا وانا كنت اشكرك >> مع ان شكرها كان قليل ياناس
المهم الا تبي الحق معها
انا بديت اطلع من طوري ومليت بجد
قلت قدامك امرين

نفتح صفحه جديده ولا ننهي الموضوع

قالت اي موضوع ؟
قالت انتي فاهمه انا خلاص مليت
صارت تضحك من الكلام يعني ما صدقت اني انا اقوله >>> طبعاً ضحك ماهو فرح ضحك الي ما يدري يبكي ولا وش يسوي بعمره
قلت الدعوه جد واختاري
قالت السبب هذا تافهم وش راح تقول للناس ان السبب كذا و كذا قلت في عينك صغير بس انا لا
وانتي الخسرانه
قلت لي من جدك تتكلم لا تستهبل انا ما كنت اتوقع انك كذا

طبعاً ما رديت عليها بأي كلمه

شوي اسمع صوت الصوت يرتفع الا هي تبكي بكى غير طبيعي خليها تبكي تبكي تبكي

قمت سحبتها وانا على الفراش وعلى طول ارتمت على صدري وانواع البكى
قسماً بالله اني دموعها بللت صدري قلت انتي طيبه بس مشكلتك العناد
وصارت تضمني بقوه لو صدري ينفتح كانت فتحته و دخلت فيه
وندمت اشد الندم

المهم ان المياه رجعت لمجاريها

وطبعاً هذا بفضل الله سبحانه و تعالى ثم بفضلكم و نصائحكم و دعواتكم

لكم مني كل الحب و التقدير

__________________
دعواتكم لي بالتوفيق

التعديل الأخير تم بواسطة ابو رواء ; 23-05-2010 الساعة 09:15 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه