السلام عليكم ورحمه الله وبركاته

اكيد حفظتوني وطفشتكم بس والله مالي غيركم بعد الله سبحانه وتعالى

	قبل ايام جاني اتصال من صديقه قديمه ومن اقاربي لكن بعد ماتزوجت قطعت وكنا نتقابل ف المناسبات او الاعياد وهي اتصلت جالسه تواسيني فجاة قالت والله زوجي يقول الله يصلحه احنا نصحناه يبعد عنها بس اتوقع كذب علينا وصار يتناولها باالهبل ((مع العلم زوجها صديق زوجيالمهم انا مافهمتها قلنلها تقصدين ايش قالت ليه ماتدري ان زوجك يتناول حبوب كبتاجون لمن شافتني مستغربه قالت بس خلاص فقلي الموضوع ومارضيت تتكلم

المهم بحثت في النت عن حبوب الكبتاجون من يومين مانمت تخيلو مو مصدقه شوفو معاي

ومن العلامات الدالة على متعاطي الكبتاجون ما يلي:

1- كثر الحركة والكلام وعدم الاستقرار بلا وعي.
هالشي فزوجي لدرجه يصحى ولحد ماينام مايجلس حتى الشاي والقهوى عند الباب اعطهيها ومايسكت ماشاءالله بس يسولف وحتى انا نايمه يتكلم مادري وش يقوول


2- قلق وتوتر وشعور بالتمرد النفسي والاضطهاد ونفاد الصبر والتشكك في الآخرين مما يؤدي به إلى إثارة الشغب وارتكاب أعمال العنف دون سبب ويشووف كل الناس ضده والبكاء بدون سبب ويسمع اصوات غريبه ويألف قصص واشياء يشوفها صحيحه 100%مهما اتناقشته معه.

نفس الشيء بزوجي ودائم يسالني اساله قريبه يعني فلانه جلست عندكم والا اختفت يقصد اخته او اي وحده يعرف اني مجتمعه عندهم .. ودائم يقول امك واخوانك مايبوني ويكرهوني ...واحيان يصحى من غرفته مسرع يقول في اصوات وراء الشباك بخرج اشوف مين ...وسالفة القصص هذي جننتني واجلس اتناقش معه ولمن امل اطنشه لان حاط فباله صح مهما اتكلمت

3- كثرة حك الأنف لجفاف الغشاء المخاطي.

4- رائحة كريهة من الفم وتبدو الشفاة مشققة أحياناً فيقوم بترطيب اللسان.وتأكل اسنانه

5- اتساع حدقة العين والتأثر بالأضواء العاكسة.

6- عدم الميل إلى الطعام واضطرابات في الجهاز الهضمي ويطلب اكل ومايأكله ويكره النعناع ولمن يحاول ينام يشرب للبن.

والله كاني بحلم نفسي الشي فزوجي وسنتين ماترك شي مااستعمله وحتى المعجون بيومين يخلص من رائحه فمه ودائم يسالني اجامله اقوول مااشم شي.....وسالفة الضوء ينام بغرفه لحاله عشان الابجوره اشغلها لمن ارضع طفلي ..أكل ماشاءالله ياكل ويطلب اكل احيان ماياكل ويكره شي اسمه نعناع حتى مره صلحنا نعناع وقهرني اعطيته فنجان وقلتله علشاني ومارضي عصب علي خوفني...واللبن هذا سالفته سالفه طبعا عشان الميزانيه مش ولابد مع ان راتبه تمام بس يقول خلص وعلي ديون اشتري كل بدايه اسبوع 6 لبن لولدي ابو ريال يخلصه بيومين يشرب كل يوم ثلاث حبات ويقول دبري حالك انتي وولدك مع ان الفلوس من عند الوالده

7- زيادة كبيرة في إفراز العرق

لدرجه يستحما ف اليووم اكثر من مره


.
8- عدم القدرة على النوم مع إرهاق وتوتر شديد نتيجة وجود المادة المنبهة في جسمه.

مستحيل ينام لليله دوامه يحط راسه ويقوم ويرجع طول الليل وف النهايه يروح مواصل اغلب الاوقات




كاني بحلم معقووله يكون مدمن عاد مريض نفسي اهون من الادمان صح راح انفصل عنه باذن الله بس مااحب يكون والد ابني مدمن

انتم مستوعبين كلامي واتمنى مااكون ازعجتكم او طفشتكم

دمتم بوود

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(