اشتاق لضحكتي إللي غابت من زمان ..
زمان كنت بسرعة اضحك وبسرعة انسى وبسرعة اسوي اي شي .. يعني متهورة .. إللي يطلع براسي اسوية بدون تردد وخصوصا اللي مافيه اذية لاحد ..
اليوم حتى الابتسامة صارت متردده .. إلا متمرده .. ما ودها تظهر للعلن ..
كل تعابيري صارت بداخلي مكبوته ..
الصمت احتواني ..
ادري انهم هم السبب ..
لكني صامده وصامته قدامهم ولا انهزمت ..
قفلت على باب التشكي لهم وافضيت سري وهمي للي خلق هالكون بمعايير ..
اشياء بسيطه تشعرني بالسعادة ..
اولها ان لهذا الكون حاكم هو الله >> فافرح واطمئن ..
ثم لما اسمع تغريد الطير احسها الدنيا بخير
وآخرها بنتي إللي لونت حياتي بوجودها و اعطت لي مكانه ومعنى واهتمام .. خلتني احس قد ايش اني غاليه بوجودي بحياتها وانه في مخلوق محتاجني ..
امومتي جات متاخرة وانا بعمر الاربع و الثلاثين
وطول عمري ماكنت احمل بدواخلي اي مكانه للامومه او اهتم اني اكون ام وكنت راضيه كل الرضى ان ما عندي اطفال حتى وانا حامل فيها ماكنت متحمسة إلا كنت شايله هم الازعاج والقلق والقرف اللي من ورى تربية الاطفال .. وزاد عليها إن زوجي ماهو الشخص إللي يؤتمن او يكون شخص قد مسؤلية الاطفال وخصوصا انه متزوج قبلي واشوفه كيف يتعامل مع زوجته وابناءه الاربعه عند اللزوم فكنت انوح حضي اني حملت منه بعد خمس سنوات .. لكن والله يشهد إني شعرت ان مكانا في قلبي انشطر واتسعت المساحة ليسكن حب بنتي بقلبي الذي كان لاوجود لها فيه قبل ان اراها ..
وابقى من حين لحين اتلمس نفسي اللي غاب عنها الفرح إلا من وجود بنتي فاحمد الله عليها .. واحلا ما في الموضوع انها "سبحان الله" جات نسخة طبق الاصل من ملامحي ..
السؤال اللي دايم اسئله لنفسي بيني وبين نفسي : هو اني هل ساستمر احب هذي البنت ؟ ام اني ساتغير عليها واظلمها مع مرور الايام .. ولا انكر اني تحسنت نوعا ما من حيث احتمالي لازعاجها ولكن مازال الوضع مرهق بالنسبه لي وخصوصا انها توها بالشهر الثاني ..
وهل انا ساضل انسى نفسي كلما نظرت اليها ؟؟ ام اني ساشتاق لذاك البخيل "زوجي"؟
وهل ساكون اما صالحه ؟؟ ام اني ساضل تلك التي لاتحب الاطفال إلا من بعيد ؟
زوجي تعرفت عليه قبل الزواج بست سنوات وكان من ابدع مايكون و منذ ان تزوجني وهو مهملني والى الان وانا بعمر الاربع والثلاثين وزوجي مهملني اشر اهمال فكيف سيكون بعمر الاربعين وما بعد ..
إلى كل من يقرأ كلماتي أن وجدت متسع من وقتك وعقلك فكن معي ولو من بعيد ومد لي يد العون برأيك ..
ولو كنت مكاني وش رح تسوي وكيف رح تتصرف ..؟
فكرت اهرب من دنيتي ولكن مالي مكان بهالعالم غير اللي انا فيه
دمتم بود لاباس ولا من يجرح الاحساس..
نقلتها لكم من مدونتي لأنه ما حد رد عليا هناك...........
08-05-2010, 04:59 PM
ضوابط المشاركة
العرض الشجري