بسم الله الرحمن الرحيم
اختى
كان الهدف من أسئلتي انك انتي تحللينها وتشوفين بس بما انك جاوبتي اسمحي لي ان أعقب عليها وسأنظر للموضوع بنظرة عقلية ومنطقية و ليست نظرة عاطفية (اللي ممكن انتي تنتظرينها) .
انتي تقولين انه بدت هالاشياء من بعد أول سنة . وهذا يدل ان فيه سبب أو أسباب لهذا التغيير طبعا انتي أدرى وش صار وخلا هالتحول في المعاملة .
لأنه لو بدت هلاأشياء مع الزواج فهم ياإما ناس مايخاوفون الله ويتلذذون بهالشي أو انهم ماكانوا راضين بزواجك من ولدهم ويظهرون حقدهم بالطريقة .
انتي تقولين ان هالأشياء اللي قلتيها من تنظيف أولادهم وتمسيح الجدران ... الخ ماتسوينها دايم , فماني عارفه وش المشكلة اذا انك سويتي هالشي مره والا مرتين خلال هالخمس سنوات ... وانا اتوقع انه جا يوم ونظفت خواته اولادك في يوم من الايام ماكنتي موجوده فيه. هالشي اللي قلتيه اعطى الجميع وانا اولهم الشعور بانهم يستخدمونك كخادمة وكلنا نشوف هالشي في الردود.
انتي اختي انسانه عاطفيه جدا وعيب هالنوع انه مايرى الا أخطاء الآخرين عليه لأنه تعمل له جرح داخلي ويصعب تخطيه وأكبر دليل هو عنوان موضوعك (العيب في زوجي وإلا أهل زوجي) بحيث انك مستبعده استبعاد كلي وجود دور لك في المشكلة حتى لو بسيط.
اختي والله أعرف ان كلامي ممكن ماراح يعجبك وإذا ماأعجبك اسمعيه من هنا وطلعيه من هنا أو حتى لاتكملين ردي وشوفي رد ثاني لكن اللي خلاني أرد على مشاركتك هو اني كنت في يوم من الأيام في مكان أخوات زوجك .
ثقي ثقة تامه أن كل من تقولين له مشكلتلك بهالطريقة والله راح يوقف في صفك وراح يسب ويمكن يلعن في زوجك وأهلة , وفي المقابل اتوقع إن أمه أو خواته لو يقولون مشكلتك بالصورة اللي يشوفونها راح يكون العكس , واللي أحب أوصله لك أنه في طرف آخر في المشكلة وأي حل يجيك من أحد ماسمع للطرفين إعرفي إنه إذا ماكان حل خاطئ راح يكون ناقص في أفضل الأحوال ويمكن يزيد الطين بله.
وإذا تبين نصيحتي خلي أخوك يجلس مع زوجك (وتقدرين تكونين موجوده عشان تعرفي وش يصير ) وتصير جلسة نقاش وإذا كان أخوك زي ماقلتي صغير وممكن مايعرف يتصرف في هالأمور شوفي عمك أو خالك , أهم شي في الموضوع ان تكون علاقة زوجك مع الشخص المحاور تكون طيبة