السلام عليكم ورحمة الله وبركاته
صباحكم / مساءكم ورد وياسمين
اخواني بدخل بالموضوع على طول
امس دق على عمي وقال وسلم واخذ اخباري واخذت اخباره ..
وفاجأني وقال لي ان ولد خالتك متقدم لي يبي فلانه .. وش رايك بالرجال .. (( رغم ان فلان هذا ولد خالتي )) .. انا بصراحه سكت شوي واحترت وحس بهالشي عمي .. وقال لي امانه يافلان قل لي الرجال وش هو من لحيه ؟ قلت والله ياعم انت غالي عندي بالحيل .. وهو كذلك لكن الرجال شخصيا مؤدب وهادئ ومحترم وماله بأحد . .. لكن عندي كم ملاحظه عليه قال وش هالملاحظات قل لي كل شي قلت ابشر ..
1 - يدخن
2- ثقيله عليه الصلاة (( واحيانا يجمع الاوقات مع بعض ))
3 - قد سافر برا اكثر من 5 مرات (( ويفلها هناك للاخر ومن جميع النواحي ))
4 - له علاقات مع بنات ((( بس ماقلتها لعمي )))
5 - يقعدون معه اخوياه فبيتهم وسهر وشرب دخان ومهب مضبوطين ((( يعني عليهم ملاحظات )))
6 - ساكن فبيت جدته ومعهم بالبيت ساكن عمه وزوجته وثلاثه من اولاده
7 - عمته صاير لها مشاكل مع زوجها من خمس سنوات او اكثر وعليها ملاحظات حساسه وعايشه معهم بالبيت
انا اعرف العائله زيييييييييييين واعتقد ان بنت عمي ماراح تاخذ ولا 20 % من الراحه الكافيه لحريتها بالبيت ..
انا وهو انا ماسلمت منهم رغم اني مالي علاقه فيهم وبعييييييييد عنهم بالحيل بس اعرف كل شي عنهم وعلاقتي مع ولد خالتي اكثر ..
ابي رايكم ابصراحه امس مانمت الا الساعه 2 ونص بالليل افكر ... كلهم غالين علي .
هل اخطيت انا بشي يوم قلت الصراحه ..؟ طيب اخطيت بحقهم ؟ وهل وقفت بطريقهم ؟
رغم اني ابصم بالعشره ان ولد خالتي بيعرف ان عمي بيدق على وبسالني عنه .. وقال لي عمي اذا كان زي ماقلت بالرجال انا بقول له ماصار بيننا شي والله يوفقك ويرزقك باللي احسن منا ..
ابصراحه احترت وضايق صدري من هالموضوع
وابي رايكم
وجزاكم الله الف خير
__________________
كلنا كالقمر ... له جانب مظلم .
25-04-2010, 09:47 AM
ضوابط المشاركة
العرض الشجري