منية
هلا وغلا اسعدني تواجدك يا منية صرتي تغيبين عن المنتدى
ياعسى اطلين علينا المرة الثانية بخبر زواجك يارب
جزاك الله خير على دعائك
والله حتى انا مو ناسيتك وادعيلك بالاسم عسى ربي يستجيب ويفرج عنا
اما سالفة انه ماتكلم فعلا انا مستغربة منها مادري اذا كان فيه علة
ما سألني ولا سؤال وكل اللي قاله لما اهله قالو له عن شرطي فقال إن شاء الله وحتى هذي حسيت كأنه تعلثم فيها
اما سالفة اللحية مادري شفيكم خذيتو علي فيها
انا فعلا اتمنى شخص يكون متدين ظاهرا وباطنا
ولو تقدم لي شخص يصلي في المسجد واخلاقه ممتازة ومايدخن لكنه حليق وعنده بعض المعاصي ماراح ارفضه
لكن كونه يدخن ومايصلي في المسجد اشوفه صعبة يعني حتى صلاة الجمعة في البيت هذي مشكلة
جزاك الله خير يا الغالية ولن انساكي من دعائي
ويارب في القريب تأتين لتبشرين بخبر خطوبتك



انتظار الفرج
وانا مثلك الصلاة في المسجد وعدم التدخين شرط وممكن اتغاضى عن الباقي واجتهد في اصلاحه
لأني احس اللي يصلي في المسجد فيه خير ومن الممكن تغييره
اما كلمة عنوسة حتى انا اكرها كره شديد ولكن الواقع يفرض نفسه شئنا أم أبينا
اما سالفه المشكلة الصحية فالله اعلم حتى انا شاكة في الموضوع ولا مثل ماقلتي كيف بنت عمه ترفضه يعني ماتعرف إذا فعلا يتأتأ ولا لأ
جزاك الله خير يالحبيبة وسأدعو لي ولك ولاخواتي دائما
يارب يرزق كل وحده فينا بالأزواج الصالحين يكونون قرة اعين قريبا غير بعيد

__________________
يارب افرجها