ثائر ابقدم لك ولجميع الاخوان (حكــــــــايه)(حتوته)
ارجومن الجميع التعليق عليها
يقولك من القديم كان فيه رجال غني يعمل بتجاره الاقمشه ويعتبر من اهم سكان القريه لانه تاجر المهم انه ساكن في بيت كبير مره طبعا من الطين .وكان جاره واحد حطاب وعلى قد حاله .المهم ان زوجت التاجر لاحظت ان (مرزام )الحطاب دايم يصب الفجر قبل الصلاه وفكرت ليش حنا مرزامنا ما يصب الا في الشهر مره .صارت تعيب على زوجها كل ها الدنيا عندنا بس مرزامنا ما يصب مثل مرزامهم ...دقت الكلمه بقلب زوجها المهم راقب الرجال المرزام وفعلا لقاه كل يوم يصب الفجر ..قرر وزار جاره الحطاب وساله وش تسوي طول يومك قاله بعد صلاه الفجر اروح واحطب وابيعه وارجع للبيت مع العيل وامهم ..قاله طيب وشرايك انت جاري بمقام الاخ لي ابعطيك محل من محلاتي تمسكه لي وانا وانت بالنص وافق الحطاب وصار يشتغل كل وقته يبغى يزيدمن دخله مرت الايام الى ان صار الحطاب عنده محل ملك ...المهم التاجر صاريسأل زوجته وشخبار مرزام جارنا ...ترد الزوجه انه اول كان يصب كل يوم الن صار يصب يوم ورايوم...وزادت تجاره الحطاب صارت محلات ..والتاجر يسال زوجته وشخبار مرزام الجماعه تقول والله ماهوب مثل منول الحين مايصب الاكل اسبوع مره ...ومرت الايام وزادت التجاره حقت الحطاب مررررررره وصار يسال التاجر زوجته هاه وشخبار مرزامهم ....(قالت زوجته لاوالله الحمدلله حنا احسن منهم في الشهر مره لكن هم في الثلاثه اشهر مره )..........
وش تعليقكم عليها يا اخوان واخوات