موضوعى طويل شوية بس انا راح تكلم بصراحة

انا كنت بحب واحدة وانا فى الثانوية العامة وهى كمان كانت بتحبنى جدا وكنا بنتقابل على طول واحنا فى الكلية المهم الايام مرت وشاء القدر ان هى تتزوج وانجبت كمان المهم انا قررت انى اخطب .
فسالت عن واحدة عيلتها ذات سمعة طيبة ودهبت لوالدها وطلبتها للزواج ووافق المهم بعد الخطوبة سألتنى انت حبيت قبل كذا قلت لها نعم حبيت قالت لي مين قلت لها عليها وسالتها انت حبيتى قبل كذا قالت نعم .المهم دارات الايام وانا عاوز انا افسخ الخطوبة بس مش قادر لان العيلة بتاعتنا وبتاعتهم كويسين جدا مع بعض وانا بحبهم وهم بيحبوبها
.بس فى مرة من المرات سالتها انت اتخطبتى لية قالت ليا بصراحة فى اول الخطوبة علشان انسى الشاب الاول لانة كان نذل بس لما عرفتك بجد انت احسن واحد فى الدنيا بس الكلام كان كلة من قلبها وانا حسيتة. المهم حاليا انا بموت فيها لدرجة انى لازم اتكلم معاها كل يوم اقل وقت نصف ساعة بس انا شخصية حساسة جدا لو هى اتكلمت معايا بس ببرود اتضايق منها وانوى ان انا ماكلمها تانى بس مش بعرف . دا بالنسبة ليا.
اما هيا ساعات بحس ان هيا بتموت فيا لدرجة الجنون وساعات بحس ان هيا باردة جدا .اسالها تقولى والله انا على طبيعتى بس انت اللى شايف كذا.
كمان انا شخصية غيورة جدا فكنت بفتح الايميل بتاعها علشان اشوف مين صحابها .لان احنا اتفقنا لازم ننسى الماضى بس انا كل اما احس ان هيا متغيرة افتكر ان هيا معدتش بتحبنى وبتفكر فى حبيبها الاول . لما اسالها تقولى والله مفيش حاجة انا لك انت بس انت اللى تاعب نفسك .بس امبارح فتحت ايميلها لقيت عليها صورة عادية بتاع بنت بس مكتوب عليها بالانجليزى ان هيا حزينة على الوقت اللى بتقضيه فى التفكير فى الحب الاول ولازم انت كمان تنسى وماتفكر فا انا اضايقت وكلمتها وسالتها لية انت حطة الصورة دى قالت ليا انت عاوز تتخانق قلت لها بجد ينفع الكلام دة قالت انا مش هتكلم فى الموضوع دة . انا نهيت المكالمة معاها بس قررت ان انا هتصل بيها وهقول لها ان احنا لازم ننهى الخطوبة دى ولما كلمتها مقدرتش اقولها . لانى بحبها جدا ومقدرش اعيش من غيرها ومش عارف اعمل اية.
لما جيت كلمت والدتى فى الموضوع دة قالت ليا خطيبتك مؤدبة ربنا بيسامح كمان انت تحاسبها بعد الخطوبة مش قبلها . بس انا بصراحة مش عارف اعمل اية انا حاسس انى بين ناريين.
بس انا واتق من حبها.