جرحي كبير ..ولا اصدق زوجي .. ما الحل ؟؟
السلام عليكم ورحمة الله وبركاته
قصتي يمكن تشوفوها طويلة .. بس والله لو قراتوها .. هتحسوا فعلا انها فيلم هندي .. احترت في اني اعيش فيه ... حياتي اصبحت جهنم ...حالتي النفسي وصلت
للصفر .. وما عدت اعرف هو الحق ع مين ... ومين الغلطان ... وكيف اتصرف .. انا فقدت الثقة حتى بنفسي ...والحمل ع صدري اصبح ثقيل جدا جدا ...واصبحت
حياتي كلها هم وضيف ...
قصتي ابطالها ثلاث اشخاص ... انا ... وشخص قريب لي .. وصديقه لي ... هذا الشخص القريب والصديقة بينهم صلة قرابه (اولاد الخاله)
وبدات قصتي من 8 سنوات ... كنت في سن المراهقه كان عمري 17 سنة .. وكنت احب هذا الشخص بشكل جنوني .. لدرجه اني كنت الاحقه من مكان الى
اخر .. وكنت اعشقة بطريقة خياليه جدا .. وهو لا يشعر بي ع الاطلاق مع انه كان يعلم اني احبه جدا .. ومع الايام انصدمت بان هذا الشخص يحب صديقتي بطريقة
اشبه بطريقة حبي له ... ويحبها جدا جدا ..ومن تلك اللحظه قررت الانفصال عن الاثنين ..وباان اعيش حياتي بعيدا عنهم ... وانهيت قراري باني صليت ركعتين شكر
لله...وقلت ياااااااارب فرجك ... ومع انه كان قرار صعب جددددددا .. وتحملت الم الفراق والبكاء في الليل طويلا ... لانني فقط اعرف انه لا امل في حبي له ع
الاطلاق...
ومرت 3 سنوات وعشت حياتي ودرست في الجامعه وتخرجت .. وبصراحه في تلك الفتره نسيته تماما ..ولكني سمعت انه تقدم لطلب الزواج من صديقتي وهي رفضت
.. مع العلم انه حدث قصة حب بينهم ولكنها قصيره جدا انتهت برفضها لطلب الزواج منه ...(تقريبا شهرين) .. ولكن حبه لصديقتي عاش طويلا طويلا ...لاكثر من
سنه..حتى ان كل الناس عرفت بحكاية حبه لهذه الفتاه ورفضها له
ومرت 3 سنوات اخرى ... وشاء النصيب ان يتقدم لخمس بنات ... ولا يحدث نصيب ... لحد ما وصل الى بابي ... وتقدم لي ... وحدث نصيب ...بصراحه وقتها ما
بعرف كيف الامور مشيت .. بس حسيت ان حبي القديم له رجع من جديد ... وكاني ما تركته لحظه وحده .. حسيته شخصيه جميله جدا .. ولما اقارنه من ازواج
اخواتي احمد الله الف مره .. طيب لابعد الحدود ..حنون جدا .. عمري ما طلبت منه طلب وقالي لي لا ... يعني جميع اموره ممتازه جدا .. ولكن !!
الماضي .. وحبه للماضي ..!!
الفتاه بتكون ابنة خالته .. والفتاه لما تيجي تزورنا مع امها .. احس بان قلبي وصدري يلتهب .. من الشك والغيره ...
حتى نظرات الناس لي .. لما يذكروا اسم الفتاه ويتحدثوا عنها .. والله بتحرقني وما بعرف كيف اتصرف
.. بصراحه فاتحته بالموضوع وصارحته هل انه لسه بيحبها .. حلف لي الف مره انه ما بيحبها وانه ما بيفكر فيها نهائي.. ولكن انتوا بتعرفوا ان في قلب المراه رادار
بتعرف فيه اذا الرجل صادق ولا كاذب..وانا والله مش قادره اصدقه.. واصبحت المشاكل بيننا بسبب هاي البنت كتيره كتيره .. واصبحت حياتي جهنم
هو ينكر حبه لالها ... وانا اكذبه .. واواجهه واقله كيف نسيتها وانت تتهرب منها .. كيف نسيتها وانت لما تشوفها وجهك يحمر من الخجل .. كيف نسيتها وانت في العيد
تروح على بيت خالتك عشان تعايد عليها وتسلم عليها حتى قبل ما تسلم عليه ..وبحجه انك رايح لخالتك ... بصراحه مش عارفه شو بدي احكي لما احكي .. بس ما في
رجل بيحب وحده لمده سبع سنين وينساها بمجرد ما يخطب او يتزوج بسنه
بس احساسي والله ما هو راضي يصدقه .. كل تصرفاته بوجودها بتختلف ..وف نفس الوقت مش قادره اعيش مع زوجي وانا شاكه انه بيحب وحده اخرى .. ومش
قادره اعيش بنظرات الناس لي .. حتى نظره خواته لما يحكوا بسيرتها ..كتير واضحه انه لسه بيحبها .. حتى نفس صديقتي لما بتيجي لعننا بحسها انها كتير مبسوطه انه
بيحبها وبتحاول تستفزني ... وتزرع الشك والغيره فيي
انا لسه امبارح فاتحه معه الموضوع .. ووصلت بينا مشكله كبيره ما الها حل .. وحكالي هي بتعمل هيك لانها مقهوره منك ..وانا بحكيله نفسي اصدقك .. واصبحت
حياتي كلها شك ومشاكل ..لانه من حقي ان زوجي يحبني متل ما احبه ...والله ما في زوجه تقبل انه زوجها مايحبها ويحب وحده اخرى .. صعب جدا والله صعب
الف مره انك تكوني عايشه مع رجل ما يحس فيكي.. شو الحل وشو اعمل ...اسالكوا بالله انكوا تساعدوني بحل مشكلتي .. الله يفرج همكوا جميعا
والسلام ختام
16-03-2010, 12:52 PM
ضوابط المشاركة
العرض الشجري