حبيبتي واضح انك عاطفية وحساسة ... وجوزك عملي وبيفكر لقدام

انتي بتفكري في مشاعرك اللي هتتوجع سنة واحدة بس .. في حين ان في كتير ستات متغربين بعيد عن اهاليهم عمرهم كله .. والمنفعة اللي هتعود على ابنك في معاناتك العاطفية سنه هتدومله عمر بحاله

وصدقيني لما ترجعي لأهلك مثلا بعد الشر مطلقة دول اول ناس هيتخنقوا وتشوفي وجه تاني خالص معدش حد بيتحمل حد

ماتتوقعيش من جوزك يفكر زيك من اولها بوصي مافيش راجل بيحس بحمل مراته ولا حتى الولادة

ولو اتعامل معاكي بعاطفية فهي يمكن تكون اول فترة في الحمل وبعد كدا بيمل

انا ارجح يابنتي تبتدي تقري في الرجال من المريخ والنساء من الزهرة والكتب اللي بتحاول تقرب وجهات النظر

والتفكير مبين الست والراجل ..

وكمان تبتدي تخططي هتستفيدي ازاي من وجودك في امريكا ان كان لغة او اي نشاطات مختلفه حلوة ودورات مثلا ولو كانت في الامومة

وربنا معاكي

__________________