كيف اقنعه يرجع يخطبني مره أخرى ؟
بسم الله الرحمن الرحيم
ان شاء الله الجميع بخير
مدري كيف أبدأ بس بحاول أكتب الأشياء المهمه
خطبني شاب و بعد فتره صار له حادث وتطور الموضوع وصار عنده ضعف بعضلة القلب والرئه
و عرفت من اخته انه فك الخطبه .. لانه بنظره ما يستاهلني بس انا اصريت اني ابقى له
وكل ما خطبني احد ارده ... انا احبه وعارفه انه يحبني وانا متمسكه فيه
وبكل صدق انا هالامور ما تفرق معي
يعني حتى لو خطبني واحد ثاني و ماكنت احبه وكان فيه كل امراض الدنيا بوافق
لاني مؤمنه ان المرض هو ابتلاء من الله فليش نحاسب الناس على شيء مو بيدهم
ونحرمهم نعمة الزواج
بس هو مو مقتنع يحسبني متهوره وبضيع مستقبلي مع ان عمري 27 كبيره كفايه عشان احدد اللي يناسبني
بس هو الله يهديه ... بعد فتره كشف فقالوا عندك لوكيما....وكانت النهايه
خلاص الحين هو وصّلي كلام انه مستحيل يتزوجني ويعذبني معه
بس انا مصرّه أبيه ومابي غيره - يارب تخليه لي - ابيه بكل اللي فيه
انا عارفه انه يبيني ومتأكده بس هو خايف يظلمني
لانه مطلع فيزا لامريكا ويستنى انخطب عشان يسافر اقصد يهاجر ويتركني اشوف حياتي مع غيره مثل ما يقول
تعبت معه
كيف أفهمه ان اي انسان مريض عادي يتزوج
قبل فتره شفت موضوع لاجانب مصابين بالكانسر وتزوجوا عااادي
ليه احنا خلاص لازم نحكم على المريض يجلس وحدااني لين يموت
مدري شسوي
ابيه يقتنع ينسى المرض ويصير عنده جرأه ونتزوج ونسافر برا عشان يتعالج
شرايكم ؟؟ كيف أقنعه يرجع يخطب ؟؟ كيف اقنعه اني مستعده أضحي عشانه
التعديل الأخير تم بواسطة وردة بين الثلوج ; 05-03-2010 الساعة 10:05 PM
السبب: تعديل العنوان
05-03-2010, 06:59 PM
ضوابط المشاركة
العرض الشجري