ياأم سلطان ... عاوزة تقوليلي اللي امهم ماتت وهما صغيرين ماتربوش ؟؟!! او حصل دروب ما في تربيتهم

لا بالعكس احيانا بيحصل عندهم اصرار وتحدي اكبر للنجاح .. ويمكن وجود مامتهم مخليهم مرحرحين ومتدلعين حبتين

كم ام جاهلة ربت عيالها ال8 احسن تربية !!!

السؤال مش هو ده

السؤال انتي حابة يكون عندك اطفال اد ايه؟؟

انتي شايفة انك هتبقي مبسوطة ومقتنعة وسعيده بعيالك لما يكونوا كام واحد ..

كمان اختيار مشترك يعني لازم انتي وجوزك توصلوا لحل وسط وتكونوا راضيين تماما .. يعني بلاش 6 بلاش 3 خلوهم 4 .. مثلا يعني

المهم المتابعة الجيدة في الحمل على مستوى دقيق.. وطبي عالي

على فكرة هيتربوا .. 2 زي 10 هيتربوا .. قد يكون ربع جهدك كافي لواحد وواحد عاوز اكتر وواحد عاوز اقل

ماتحسبهاش بالطريقة دي

وبعدين المجهود البدني بيكون موجود في اول 5 سنين في عمر الطفل بعد كدا لسانك هو اللي هيلعب كتير

انتي بس المشكلة ان جوزك بيكلمك في الوقت اللي لسة مافوقتيش يعني مهرة لسة تعباكي رضاعة وقلت نوم ورعاية الى مالانهاية وسلطان لسة يعني مش بيتحمم لوحده... يعني في لسة مجهود

بس بعد كدا كله هيقل بالتدريج

التربية في حد ذاتها بتفاصيلها قد تكون متعة حقيقية لبعض الامهات وحتى الحمل !! .. نعم لاتنام طول الليل ولا النهار وعندما تنام ساعة ويوقظها طفلها تغرقه بالقبلات !! وفي امهات العكس .. بوزها شبرين وحانقة طول الوقت على حياتها

كمان انا ماقابلتش واحد كبيرة في السن الا اذا كانت ندمانه ندم شديد انها ماخلفتش عدد اكبر من الابناء بما فيهم امي

رغم انها طول حياتها لو جبت لها سيرة الخلفة وجهها يقلب وانها كانت لاتتلقى القدر الكافي من المساعدة وووو

يعني الواحد مش بيفكر فيها كدا بتفكري فيها كرغبه حقيقية بذاتك انتي .. تحبي تخلفي كام شايفة نفسك ازاي ؟؟ متعتك الحقيقية مع الخلفة والعيال متكاملة ؟

وفي النهاية

You don`t miss what you don`t know

يعني ممكن تخلفي بعدين وتبقي مش متخيلة ان احب ابنائك ليكي هو اللي انتي ماكونتيش عاوزة تخلفيه.. !!