السلام عليكم ..

انا سجلت في المنتدى عشان اطرح عليكم مشكلتي .. لاني بصراحه دخلت بعض المواضيع وشفت الحلول ما شاء الله ممتازه..
و انا ما اباكم تضحكون علي و على مشكلتي .. انا ما لجأت لكم الا لأني محتاجه مساعدتكم و لاني ما اقدر اصارح حد بهالموضوع ..

انا بنت عمري ٢٢ سنه .. يعني مو صغيره بس لسه مو كبييييره .. بس اللي مثلي بعضهم اتزوجو و عندهم عيال .. انا ما اقول ليش انا ما تزوجت لاني اعرف ان النصيب ما ايي الا من رب العالمين .. بس مرات يحز هالشي في خاطري واقول اشمعنه انا للحين ما انخطبت ولا شي .. علما ان الحمد لله مافي شي ناقصني .. ما ابا امدح عمري بس الحمدلله جمال ،اخلاق زينه .. و على كلام الناس انا كيوت و خلوقه و دايما الكل يعتمد علي ............. عموما هذا كله مو مهم و ادري ان النصيب بيد الله و يمكن البعض يقول ان بعدني صغيره ولازم اعيش حياتي ........

مشكلتي الثاااانيه ان حتى لو كان في نصيب و انخطبت ... امي ما بتوافق لانها دايما تقوووول اني صغيره و ان الزواج مو شي حلو عشان انفكر فيه مع اني انا اكبر بنت في البيت... مادري ليش كذا تقول .. حتى لما حد من الحريم يدعيلها و يقول ان شاء الله بناتك يتزوجون .. تسكت و تغير الموضوع .......... مافي ام ما تبي السعاده والاستقرار حق بنتها ......... مرات افاتحها بالموضوع و دايما تعصب وتقول مافي رجال زين في هالزمن ....والزواج ما يجيب الا المشاااكل ....و ما تقتنع ابدا ...... يمكن كلامها صح بس مو لهذه الدرجه .... والله انا مرات اتضايق واقول شكلي ما بتزوج ابد دام ان امي تفكر كذا.......... وانا مرات احس اني بحاجه لشخص يكون جنبي دايما .....و اخاف النتيجه تكون اني اكلم حد غريب .. وانتوا تعرفون كيف الشيطان يقص عالناااااااااس.........

يمكن تتحرون ان مشكلتي سخيييفه لو مالها داعي لان كلامي قوي او عيييييب .....بس والله ما عندي الجرأه اني اقول هالكلام حق اي حد و انتوا اخواني و اخواتي في الاسلام مع انكم غريبين علي ... يمكن لجأت لكم لأني ما اعرفكم ولا تعرفوني.... قولولي شسوي؟ انا اكتب هالكلام و دمووع في عيووني........