مرحبا اخواني كيفكم انا متكلة على الله ثم عليكم ارجوكم اخواني انا خطبتي ان شاء الله الشهر الجاي
ارجوكم ساعدوني انا من يوم ما عرفت الشخص دا وهو متعبني اسئلة وتحقيق والسبب ما ضيه الوسسسسخ
جدا يعني يعرف بنات بالهبل وكان خاطب شهر وفسخ وما اعرف اش السبب يقول منها هيا وهيا اللي جبرتني اخطبها وانا ما كنت مستعد ماديا ولا نفسيا بس احسوا كذاب لانهم كانو يحبو بعض المهم انا تعبت جدا من اسلوبو الحقير معيا يجرحني وكل شوية يتذكر ما ضية قدامي ويقلي كلكم زي بعض وانا ربي يشهد علي اني احبه واخاف عليه واصونه كل شي هو يسويه مسموح الفيس بوك حقوا كلو بنات ويكلمهم يقلي عادي هادول زميلاتي اما انا اصلا غيرت الفيس بوك حقي عشانو لانو كان فيه شباب كتير بس والله كلهم محترمين راح قلي
هاتي الباسورد حق حسابك اللي عطلتيه ابغى اشوف ماضيك مع الشباب انا انقهرت ورحت اعطيته الباس ورد
وشاف بنفسه انو مافي شي كلهم واحد وزي اخواني المهم انا طفح فيا الكيل يمنعني من كل شي والقى صحباتة كاتبيلنو وهو يكتلبهم وصلت لمرحلة بس احط بقلبي لين صرت زي الخشبه من القهر وفي يوم كنا نتكلم
مع بعض جالس يكلمني بدون نفس قلتو انتا بتكلمني كانك بتمنن عليا قام قلي ايوا شي زي كدا وانا كنت جدا مررررريضه وهو حتى ما رحمني وانا ماني قادره ارد عليه فجاءه صار يقلي انا ما ابغى غيرك ومدري ايش حيستوا كذاب ومريض بس قلتو بروح انام انا مريضه رحت وبعدين الصبح افك الفيس بوك لقى ماخد اغنيه من صحبتة وحاططتها عندوا والله انا خلااااااااص رحت رسلتو رساله قلتو انا ما الزمك صاحب باليين كذاب روح مع صحبتك الله يخليك وقفلت جوالي قام هو اتجنن وراح يرسل لصحبتي الله يخلكي انا اترجاكي رجعيها ما اقدر اعيش بدونها والله ما صدقت القى زيها والمهم بعد يومين رجعلتو والله يا جماعه يمكن ما كملنا اليوم الا ورجع ازفت من اول ودحين ما يكلمني الا من طرف خشمه ولما اسله يقلي بطلي هبل لا تخرفي من مخك ساعدوني والله تعبت معاه دا غير الاسئلة الوسخه اللي يسألني هيا وبعضها غريييييبه
.... انا اش زنبي اذا كان ما ضيه وسخ يطلعوا على راسوا

ارجوكم يا شباب ساعدوني قولولي اش اعمل مع الانسان دا والله تعبت ابعد يرجع ارجع يبعد وبعدين
والله احبه ونفسي اصحله بس مني عارفه انتو شباب وتعرفوا بعض اكتر ساعدوني