احتياجات المراة المادية
السلام عليكم ورحمة الله وبركاته
اخواني واخواتي الكريمات
الموضوع هذا لاحظت ( من كذا موضوع هنا )
انه مثير لاهتمام كثير من الرجال .. ويمكن مثير لسخطهم
على الحريم بعد 
الهدف من الموضوع : تصحيح بعض القناعات الخاطئة
عن احتياجات المراة المادية وتحسين النظرة العامة
لها ..
او بمعنى اخر الموضوع موجه لمن يهمهم تغيير قناعاتهم
العامة في الحياة للاحسن ..
بداية احب اقول ان المراة (كالرجل ) تحتاج المادة
لتحقيق جزء من التوزان النفسي من خلال
الاهتمام بالمظهر واسلوب الحياة .. يعني
بالملابس بالعطور والسفر والمجوهرات الخ
وهذا بحد ذاته ماهو غلط ولا عيب ...
فطرة طبيعية بداخل كل انسان رجل او امراة
لكن .. النساء من هالناحية نوعين :
نوع احتياجه لاشباع هذه الفطرة ... طبيعي
لذلك هالنوع يشبع هالفطرة بما يرضي الله
وفي حدود قدرته المسموح بها
بمعنى لو كانت زوجة فهي تشبع هالاحتياجات
بمايرضي الله بدون اسراف .. وبحدود قدرة زوجها المادية
النوع الثاني احتياجه لاشباع الفطرة .. مرضي
اي الي تكون هالاشياء رقم (1) بقائمة اولوياته
لذلك يحاول يشبع هالفطرة بكل الطرق منطقية او غير
منطقية .. ونشوف هنا المتزوجة تدوس على راحة
زوجها وتطلب فوق قدرته المادية عشان تشبع هالفطرة
طبعا النساء الي من النوع الثاني محد يقبل فيهم
لو هو ان شاء الله حاتم الطائي ..
لكن النوع الاول .. مو كل الرجال يرضون فيهم
رغم ان احتياجاتهم بالحدود الطبيعية .. ليش ؟
لان الرجال من هالناحية نوعين :
نوع يؤمن بان هالاشياء رغم كونها كماليات
الا انه متفهم احتياج المراة النفسي لها ومستعد
يوفر لها اياها بمايرضي الله بدون اسراف
وبحدود قدرته المادية
ونوع يؤمن ان هالاشياء كلها كماليات زائدة
مالها داعي ( من وجهة نظره هو )
ولانها كماليات فما هو ملزوم فيها حتى لو مستواه
المادي يساعد .. اي ان المسالة عنده
مسالة قناعة ..
الحين لما يجي رجل يشتكي من طلبات
زوجته او زوجة تشتكي من قلة اهتمام زوجها
برغباتها .. ما نتسرع نتهم الزوجة بالاسراف
او الرجل بالبخل .. لازم اول شي نشوف
الرجل الي يشتكي من طلبات زوجته هل طلباتها
بحدود قدرته المادية .. او لا ؟ ؟ والزوجة نشوف
هل طلباتها بحدود قدرة زوجها المادية
ام انها من النوع الثاني .. ؟؟!!
الان عندنا نوعين سلبيين من الازواج والزوجات
الزوجات الماديات .. الازواج الغير مبالين باحتياجات
زوجاتهم ...
حبيت ابدا بالازواج الغير مبالين باحتياجات زوجاتهم
( النوع الثاني من الرجال ) لكن قلت اترك الخيار
لكم تختارون اي نوع نناقش اولا ..
حابين نبدا بالزوجة الانانية ( النوع الثاني من النساء)
اسباب هالانانية ... والحلول معها في حال لا قدر الله ابتلي
الرجل بزوجة زي كذا ..
ولا تحبون نبدا بالرجل الي مو مقتنع باحتياجات زوجته
رغم كونها بحدود المعقول ؟؟ نشوف الاسباب والحلول
ولو كان في احد من الاخوان بنفس التفكير نحاول نقنعه ؟
الراي لكم .. دمتم بود
__________________
شتان .. بين من تسيره مبادئه ، ومن تسيره مصالحه
التعديل الأخير تم بواسطة أطيـــــــاف ; 30-01-2010 الساعة 05:48 PM
30-01-2010, 12:48 PM
ضوابط المشاركة
العرض الشجري