متزوجة من 12 سنة و زوجي لا يراعي مشاعري - منتدى عالم الأسرة والمجتمع

29-01-2010, 07:16 AM

عضو جديد

تاريخ التسجيل: Jun 2006

المشاركات: 4

متزوجة من 12 سنة و زوجي لا يراعي مشاعري

اخواتي في الله :

اكتب لكم قصتي وكلي امل منكم في ان تطرحوا علي بعض الحلول في قضيتي

تزوجت وعمري 18 سنه وزوجي كان عمرها 30 سنه زوجي كان متزوج من قبل وحدثت له بعض المشاكل الزوجيه من ماادى الى الانفصال ولديه ولد واحد

لي الان 12 سنه من تزوجت لكن المشاكل تلاحقني في كل يوم وساعه ودقيقه
انا احببت زوجي من قلبي وكنت لا استطيع الفراق عنه لكن هو من اضطرني الى الذهاب الى بيت هلي وترك شقتي

المهم

انجبت طفلتين منه المشكله زوجي عصبي لدرجه فضيغه حدا ماعنده اي حنان مشاعره كلها انه مغتلج مني ومن هالزواج حاولت اني اسيطر عليه بحبي له لكن لايغيد اي مشكله يضربني ويدق على اهله ويقوول لهم ترى قالت زوجتي عليكم كذا وكذا زوحتي ماتبيني اجيكم زوجتي ماتحبكم وهم بدوورهم يجووون الى مكاني ويواجهووني رجال وحريم تعبت من الصياح من حرارة زوجي طلقني مرتين لم يبقى لدي الا طلقه واحده

تعبت وانا اتحمل واصبر الكل يخاف على شعوور زوجته وهو لا لو اي شي في البيت يدق يريد تخويفي باهله تعبت يمكن تقوولون صبري بس مااقدر
ادري اني اذاا خانقني اردعليه من قهري بس مليت مره ودي كان مرِه يحس فيني

كل اللي حوله يحبوون زوجاتهم ويخافوون على شعوورهم هو لا مستعد يجيب الكل عشان يفشلني
كم مره لاحظت عليه يكلم بنات وسكتت مصروف يدي مايرضى الا بالموووت وهو في حاله مستقدره مره

حاولت افهمه انا هذي الحركات سوف تبعدني عنه لكن لا جدوى

تعبت من المشاكل اصبحت الان اعاني الكل من اهله كرهني بسببه صغير ام كبير
احاول اعزم اهله لكن يضيع بعد كم يوم

تخيلوا لو طفل في اهله اتكلم عليه او اقوول اي كلام من باب السوالف بعد كم يوم يجيب اهل الطفل يحاججوني على كلامي

اتكلم وعيووني تنهمر شذنبي اني تزوجته هل ذنبي يسووي لي كذه

بناتي يكسروون خاطري من تزوحت انا وياه كل سنه بصير في بيت هلي شهر شهرين اتعبت نفسيتي ونفسيت بناتي الحين انا في بيت هلي الان جيت من يومين بعد ماشتمني وضربني وجاب بنت اخوه وزوجها وعحوزها لي بالسيارة يواجهووني ويقوول لهم زوجتي قالت عنكم كذا وكذا ويقوول لهم طوول اليوم اهي تتكلم عنكم وانا نفس اليوم كنت مخترب نومي ونايمه وبعدها رحت للمستوصف لسني

انقهرت ادري انا مشاكله هذي نفس مشاكل زوجته اللي قبلي بس اللي قبلي اطلبت الطلاق في خلال 3 سنوات من زواجهم لكن انا لي الان 12 سنه من تزوجت وكنت كل مره هلي يرجعووني ويقووولون مايصبروون الا الحريم والمره تصبر عشان عيالها مادري شسووي والله
ماودي بالطلاق وبرضوا مااحب اني اهان

حتى بناتي يوم نزلناهم يجيبون ملابس لهم ماحبهم ولاباسهم بالعكس جلس يتكلم علي يمهم ويسبني ويسب ابووي

شالحل قوولوا لي ........ ولاتقولون بيتغير لاني لي 12 سنه ماتغير

ساعدوووني

التعديل الأخير تم بواسطة daimound22 ; 29-01-2010 الساعة 07:35 PM السبب: توضيح العنوان

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه