اسفة سامحوني تأخرت عليكم بالرد بس عشان خلص الدوام والبيت ماعندي نت

والله اني عارفة انو راتبي كله من حقي واني اذا عطيته منه فهذا كرم اخلاق مني ، بس المشكلة انه هو مش راضي يقتنع.. لدرجة والله مرة من كتر الشد بالموضوع حلف عليي يمين طلاق انه اذا مابياخد مبلغ كذا وهو يعني الراتب كله بس ناقص منه 500 ريال مصروف اني بكون طالق...

لهيك حكيت من البداية اللي يصير يصير...
مبارح حكتله بطريق المزح اني بستنى بالراتب لهاد الشهر ومتى رح ينزل عشان بدي اخليه بحسابي كله...
قام رد علي " شكلك ناوية نرجع للمشاكل؟؟ "
حكتله لا والله بس بصراحة لأني حاسة انك... انك بتستخسر تخسر علي او انك تجيبلي اي شي...
فرد " شو الي مقصره بحقك؟؟ ، أنا عارف انه هدية عيد ميلادك ماعجبتك لأنها ما طلعت متل ما توقعتي... دهب.."
حكتلة لا عاجبتني بس انت بتعرف الهدية الكويسة والي مش كويسة لناس وناس بس...
(طبعا كان صاير حكي بيناتنا عن انه بدو يبعت هدية لاخواته مع اخته اللي دفع تذكرتها.. طبعا اما فلوس اما خاتم دهب وما رضي اقل من هيك..)
فهو رد : انا عارف شو اللي مزعلك.. وبس بعدين طلع من البيت وهو معصب وبس رجع رجع عادي وماحكينا بالموضوع...

والله انا لو بده روحي بعطي ياها... بس ما أحسه بستخسر فيي وبكرم على غيري...
ليش انا لما كنا خاطبين فضلنا سنه خاطبين مانزل ولا مرة... وبس اجا لنتزوج.. قال جابلي هدية عطر مو أصلي... وهلا لأخته مش عاجبه عطر أصلي...
والله انا هاد يلي قاهرني...
واللي قاهرني اكتر، انو لما صار ياخد راتبي ويخليلي بس 500 حسيت انو اهله عارفين... بس طبعا لما اسأله بحكيلي لأ... ماحد بعرف شي... مع انو احساسي عمره ما خانني...

لا تفهمو شكوتي حب للمال.. لا والله... لأني انا بجد بتعامل معه عأساس انا وهو واحد.. بس هو بده كل شي اله... ووالله مابساعدني بشغل البيت بشي وما عندي شغاله...
لا وكمان ايام الاجازات بنقضيها عند أهله او انهم هم ييجو عنا... ومع كل هاد بدو البيت دايما مرتب، والغدا جاهز (طبعا ما بحب اكل المطاعم!)... ومن هالناحية والله دايما ارتب وانظف... حتى لو على حساب صحتي...

انا بجد انصدمت بهدية عيد ميلادي... ابدا ما توقعت هيك.. والحجة (آخر شهر)... مع العلم جاب هدية موبايل لأبوه وتذكرة اخته كله بهاد الشهر... عند هديتي صارت الدنيا آخر شهر...
بالله ما شي بيقهر؟؟؟
بحاول ما اوقع بمقارنه حالي مع أهله بس مابقدر... لما يجيب هدية الي (حتى لو بسيطة) بفرح فيها وما ببين... بس لما اشوف انه اللي جابه الي بيستقله بأخته مش حقي أزعل؟؟؟

بس بجد انا بستنى بالراتب لأني بجد وهالمرة مش ناوية اتراجع... واذا ضل مصر عيمين الطلاق.. فمعناها انو الفلوس عنده أهم مني... فاما انو هو حر... أو انو من الأصل ما في راتب وبقدم استقالتي... والرأي التاني هو اللي ارجحه...