جرين

دى رابع مره اقرا موضوعك
افتكرته الاول جوزك ومش ابو البنت
وبعدين لقيت من الردود انه طلع سبحان الله ابوها لزم يعنى مش من بعيد......

وعاوز يقعد فى البيت وبنته والده عند اخو جوزها!!!!!!!!!!
طاب ياترى بقى هتتنقلى انتى كمان عند اخو جوز بنتك وللا بنتك هتبيض لوحدها والبيضه تفقس وتقوم تجرى زى الفرخه وهى زى الفل؟

بصى اقولك كلمتين سخفا
قولى له والله انا ما اقدر اسيب بنتى والده وجراحها مفتوحه مع اعزب فى البيت والله اعلم بالناس والرسول قال الحمو الموت وللا ايه ؟ ده حتى ربنا يدخلنا جهنم على تفريطنا فى عرضنا وبيت ابوها مفتوح ، ده لو الراجل اخو جوز بنتك اعزب

ولو متجوز قولى له ما اقدرش اسيب بنتى واحده تانيه تتطلع على عورتها دى والده ومفتوحه يعنى لازم تتسند للحمام حتى وهى الله يعزك....... ما ينفع تتساب لازم حد يدخل معاها وينضفها ، وانت عارف حرام النساء تضطلع على عورات بعض ، يرضيك تسيب عرضك الناس الاغراب تتفسر فيه

لو فضل معصلج خالص قولى والله يا تأجر مكان انزل فيه ببنتى ، لانها جايه على اساس بيت ابوها كونك مش عاوزها دى حاجه تانيه؟انا مش هسيب بنتى تشيل جمايل وتتعاير بان بيت ابوها وهى والده رفضها وبيت الصهر شالها
يا إما تتصل ببنتك تقول لها انا اسف مش هقدر استقبلك وساعتها انا بأجر مكان على حسابى وبرضه هقعد معاها فيه.

معلش ياجرين انا ملخبطه شويه وبصراحه مخنوقه جدا جدا من الموضوع اللى علقتى فيه امبارح فى قسم المتزوجين وبدأت اشوف حاجات تاعبانى شويه

انتى عارفه دايما الزعماء اللى زيى بيهتموا لامر الرعيه

وبعدين لو فضل معصلج قولى له قسما بالله اسلط عليك فتوشى تيجى وتقوم الدنيا عليك لحد ما تستصدر قرار من مجلس الامن بالحرب عليك لان بجيب بنطلونك اسلحه دمار شامل ......هاه

__________________