أختي تحملي كلامي شوي بس إن شاء الله تلقي الفايدة :

أول شئ أحسك من الناس اللي تجيبي النكد على نفسك و من الناس اللي تنتقد كل شئ
يعني بإختصار ( نكدية ) هههههه بدون زعل قلنا ، ما عندي وقت أجامل و مادري إيش
دحين أقول لك الأسباب ، وو لو ما عجبك كلامي فلا تكملي من دحين
و الكلام هذا للأعضاء اللي ما تعجبهم ردودي كمان

قلت عندك تحبي تنتقدي ، و الشئ هذا راح يطفش زوجك منك فانتبهي :
لإنك قلتي صفات مثلا ، الغيورة ، البثارة .. إلخ

------------------------------------------------------

نجي لأول موقف :

في رمضان يوم جاء زوجك ، فإنت تعرفي الحديث بما معناه إنه المرأة لوو كانت على راس التنور أو بما معناه ، و ناداها زوجها عشان ياخذ حقه ، فتترك كل شئ و تلبي طلبه ، و الموضوع مافي صغيرة كنت و لا كبيرة ، يعني الوحدة تتزوج و لازم تكون قريت هذه الأشياء مثل ما تتزوج و تتعلم كيف تتزين و تلبس
يعني التعلم بالتعلم ..

فالغلط هنا مشترك بينك و بينه ، و الرسول صلى الله عليه و سلم ما وصانا بالشئ هذا ، إلا لحكمة
يعلمها ، و أكيييييييييد تتعلق بشهوة الرجل و ما إلى ذلك و إنت دارية إنه الدنيا رمضان يعني مافيها
شئ لو شوي عرفتي ترتبي الأوضاع و تتفضي له لو نص ساعة

و بعدين مثل ما عرفتي تعتذري من زوجك ، كان الأولى تعتذري من أخوات زوجك إنك ما تقدري تمسكي
عيالهم

ما نتكلم عن الماضي ، بس عشان لاتحقدي عليه و تحطي اللوم كله على زوجك و عشان الأيام الجاية.

---------------------------------------------------------------------------------------------------------

و زدتي الطين بلة ، يوم جلستي مع أخته ، أكيييييييييييييييييد هرج حريم و ما تقدري تتركيها ،،
يعني ما عبرتي زوجك و خليتيه آخر اهتماماتك ،،
حطي نفسك مكانه ، فرضا لبستي و تجهزتي و استنيتيه ،، و هو مطنشك و جالس مع الشباب و كذا
و في الليل افتكرك .. إيش بيكون احساسك وقتها ؟؟؟؟؟

أكمل و لا خلاص ؟؟؟؟