ابنى الصغير

نعم انت ما تزال صغيرا

انا لو انت جيت تاخد بنتى لايمكن اوافق لسبب بسيط انى عاوزه لها حد ناضج عنده خبره او تجربه بالحياه .........تانى شىء انا افضل فرق السن بين الزوجين يعنى من 5 سنوات لحد 10 سنوات عشان القوامه والتفكير معروف البينت تفكيرها انضج من الراجل فى سنه يعنى تبقى البنت 17 سنه وجوزها 20 حتى وتفكيرها زيه او اعلى منه
يمكن فى مصر هنا الوضع بيختلف لان البنات عندنا غير يعنى مش اول اهتمامهم الجواز او التفكير ده بيبقى فى سن ال21 ساعتها بنبدأ نفكر فى القصه دى
انت تتزوج وانت 19 سنه طفله سنها 17 سنه .........ووهى عندها 19 سنه تحمل وتولد ........وانت لسه يادوب بتبلغ الرشد 21 سنه
بعد 15 سنه انت 36 وهى 34 خلاص بتكونوا طهقتوا من عيشتكم سوا وانت تشوف انك دفنت روحك وهى تشوف انها اتظلمت وعندكم ابن شاب سنه 15 سنه وحياتك تتلخبط
وتبدأ تشوفها انها دبلت كزوجه وانها خلاص فاقده للصلاحيه .......وبلاش نكدب على روحنا ونقول لا والحب ووو
اه العشره والحب طبعا لهم دور بس ده مش هيمنعك وانت فى عز شبابك وسنك 36 وفى قمه رجولتك وقوتك ومنصبك انك تفكر تعدد وببنت بكر كمان لانك مش هيبقى ناقصك شى
صدقنى استنى شويه يعنى سن 24 كويس اوى للجواز لك
فى مصر هنا انا قلت لك الوضع مختلف يعنى بصراحه لو يوسف سألنى هأخر له السن شويه بس فى بلادكم الوضع مختلف عشان كده قلت لك 24.
وربنا معاك
بالنسبه للعاده السريه
عادى يا ابنى ....... كل اللى فى سنك معظمهم كده .....ومش هتأثر عليك لما تتجوز وربنا يعفك بإذن الله ......
أهتم بمستقبلك وكلم اهلك بالعقل ربنا يهديهم