مشكلة لخبطة الهرمونات ومايتبعها من لخبطات
السلام عليكم ورحمة الله وبركاته
انا آنسه ( مو متزوجه) عمري 25 سنه
عندي مشكله بجسمي وهي لخبطة الهرمونات < لخبطتني ولخبطة جسمي معاها .gif)
لدرجة انو طلع لي شعر برقبتي وبأماكن مختلفه من جسمي بس مو ذاك الشعر الغزير إلي مره
انا مرات تنتظم عندي الدورة ومرات لا ومرات ماتجي بالشهور وهشي سبب لي حوسه بجسمي
وكول مارحت عند دكتور بيقول عندك لخبطه وإلي يقول تكيس وإلي يقول هرمون الحليب ..وفي منهم من يجمعهم كولهم 3 مع بعض
وكول ماسألهم عن العلاج يقولو الشعر إلي برقبتك علاجو باليزر وفيه إلي يقول لا لا زم تعالجي اللخبطه اول بحبوب منع الحمل وفي معاها حبوب مو فاكرتها
وبعدين تفكري بالليزر <احترت معاهم كيف ابدء اعالج نفسي من مصدر الخراب إلي بجسمي
انا مو عارفه ايش اسوي بالزبط صحباتي يقولو الليزر ممكن يكون مو بصالحك لانو بنات استخدموه وزاد الشعر عندهم وممكن يخسرك فلوس على الفاضي لانو لازم تعالجي الهرمونات اول
وانا قرأت رد لاحد العضوات بموضوع معين انو علاج الهرمونات لازم تستخدمي حبوب منع الحمل وتقول انو مشكلة حبوب منع الحمل انها بتسبب عقم بنسبه عاليه وصراحه انا خايفه , صحيح انا مو متزوجه بس اخاف لما اتزوج ومااجيب عيال بيكون سببه الحبوب ذي
صراحه احس نفسيتي تعبت من هالشي وتعبت من كثر مااشيل بالحلاوه او الملقط وربي احيان مااحظر دوامي بسبب هالامر ونفسيتي دمااار
وكول ماافكر ياربي انا بعدين لو تزوجت بجلس بملقطي واشيل هم كل شعره بجسمي
إذا انا بنت لما اشوف وحده مو شايله الشعر إلي بيده وبرجلها صراحه احسها مو نظيفه ولا تهتم بنفسها
فما بالك برجل وخصوصا لو شاف شعر في مكان المفروض مايطلع فيه شعر للبنت ايش بتكون ردة فعله !!؟؟
ـ ساعدوني إلي عندهم خبره بهالموضوع يقولولي ايش هوه العلاج الجذري لمشكله اللخبطه بالهرمونات + الشعر إلي يظهر بأماكن المفروض مايطلع للبنت فيهآ !؟
ـ إلي سمعت من مصدر موثوق انو في بنات كان فيه اللخبطه وتعالجو تطمني الله يسعدها !؟
ـ وإلي تشوف في كلامي خطأ او فكره انا فهمتها خطأ تجي تعلمني !؟
- وإلي تعرف افضل دكتور مختص بالامور هذي بجده تقولي على اسمه وبأي مستشفي !؟
وإلي تساعدني لها دعوه من كل قلبي .gif)
مو بس إلي تساعدني وكول وحده بترد على موضوع ولو بمعلومه بسيطه ممكن تكون معروفه لك ولي لا.gif)
!
اطلب مساعدتكم لي بعد الله
20-10-2009, 07:43 PM
ضوابط المشاركة
العرض الشجري