بالبدايه اللـه يعطي العافيه لكل من يساعد ويبديء رأيه بالموضوع والله يفرج همه ويرزقه السعاده بالدارين, واعذروني على الاطاله بس والله محتاجه لكم

بعد ماتعبت ويأست وحاولت بكل الي اقدر عليه, احتاج لخبره اشخاص بالحياه ولهم نظره اكبر مني فأترجاكم لاتبخلوا علي بالنصيحه ولو بكلمه

تقدم لاهلي عريس ورفضوا.....والسبب انه متزوج

انا بالبدايه ترددت ولكـــن لما فكرت بالشخص نفسه ظلم له وظلم لنفسي اني ارفضه وبالاخص ان هذا حلاله
الرجال والله اعرفه زين ومايعيبه كبير الحمدلله ملتزم واخلاق وهذا الاهم

باليوم الي كلم الوالد ابوي كان راضي بس اول ماقال انه متزوج رفضه وقال لاااا

والوالد ولا كلمني ولافتح معي الموضوع ابد ولا كأنه صار شي

أما امي تعبت وانا اتفاهم معاها بكيت توسلت تحاورت صبرت وكأن الي قدامي جدار
طلبت بس فرصه لمقابله الرجل ويجلسون معه ويعرفونه زين قالت لي امي وليش واحنا مانبيه

وقالت لي بنفسها ان ابوي مرتاح كثير منه بس لانه متزوج رفض

قلت لامي حرام الي تسونه واذا تزوجت غيره وش الي يضمن انه مايتزوج علي او مايطلقني طبعا سكتت وقالت نفس الشي

وصدمتني لما قالت لي اهــون علي اشوفك عـــــانس طـــــــــول عمرك ولا مرتبطه بانســـان متزوج

اخواني واخواتي في الله وش بيدي اقدر اغير تفكيرهم, علما ان الرجل باقي على كلمته ويريدني الى الأن
الله يخليكم وش الطريقه الي اقدر اتعامل فيها معهم وافهمهم كيف اجعل رفضهم موافقه وبركه


شكرا للجميع