السلام عليكم ورحمة الله وبركاته
عندي مشكلة وأبي منكم المشورة
في أي نقاش يدور بيني وبين زوجتي ... لازم ينتهي بزعل والسبب في نظري سببين رئيسيين:
1- إسلوبها في النقاش يكون بإنفعال وصوت مرتفع ... ويكون باين عليها النرفزة وهذا الشي يخليني أعصب زيادة لأني أحسها إنها ماتحترمني أحيانا ..فنترك لب الموضوع ... ونتخانق على إسلوبها
2- في كل نقاش تقريبا, تلمح وتصرح بتقصيري في أي شي ,, ولما أذكرها بأشياء أنا أسويها ...مايبين في عينها أبد...
مرات ... أقولها... إنتي ماينقع فيج شي ... ومهما أسوي ... بتقلبين علي في أقرب هوشة ولا كأني مسوي شي...
أحيانا كلامها يخليني فعلا أقول: مدام أنا مقصر بنظرها ... خلني أكون مقصر فعليا صح ...
ونقعد بالإسبوع زعلانين ...إلى أن نرجع أتوماتيكيا
أنا أسأل الحريم الان: ليش في أي موقف يواجهك مع زوجك ... تنقلبين 180 درجة وتكفرين بالعشير؟؟؟
أتمنى أسمع ارائكم
17-06-2009, 01:39 PM
ضوابط المشاركة
العرض الشجري