سندويشات الدجاج بـ صوص المشروم
مرحبـــا ~
شخبـــاركم يـا بنات .....
شكلي طولت الغيبة عنكم .... ومقصــره معاكم شوي (إلا وايد
)
ببدأ الموضوع على طول لأن مستعجلة شوي !!
عندي طبق لذيذ وخفيف ,,, وايضاً سهل ....
يصلح للعشاء 
وإذا انتوا مثلنا تحبون السندويجات على الغداء عادي سووه على الغداء
سندويشات الدجاج بـ صوص المشروم
نحتاج إلى :: /
- بصل مفروم ناعم
- فلفل بارد اخضر مفروم ناعم
- مشروم مقطع
- دجاج
الصوص ::
ماء + كاتشب + مكعب ماجي + رشة ملح + فلفل اسود
اخلطيهم جيداً مع قليل من النشا
الخطوة الأولى ::
الدجاج عندك خيارين في طريقة تحضيره ... الطريقة الأولى هي الأسهل بينما الطريقة الثانية اهي الألذ !
وعليك انت الاختار ....
أما أن / تسلقي الدجاج مع الملح والفلفل الاسود والمطيبات المفضلة لديك
او / تقطعيع صدور الدجاج مكعبات وتتبيله في ملح وفلفل اسود وليمون اسود وقليل من البهارات (حتى لا يتغير لون الدجاج) ... واضيفي قليل من الخل والليمون واتركيه قليلاً يتشرب التتبيله فترة تجهيزك للخطوة الثانية .... وبعدها اقليه في المقلاة
الخطوة الثانية/ شوحي البصل مع الفلفل الاخضر البارد وبعدها اضيفي المشروم
اضيفي الصوص وحركيه بتأني .. اطفأي النار بعد أن يتحول إلى صوص كثيف
وهنـا أثناء الطبخ , /
حضري السندويجات ,,, امسحي قليل من المايونيز وفوقه شريحة من الجبن بعدها ضعي صوص المشروم ,,, وقطع الدجاج واستمتعي بأحلى سندويجات
** ملاحظة / استخدموا التوست الطويل يطلع شكله أحلى ,, بس آنا زوجي كان مستعجل ووراه شغل واخذ التوست إلي جدامه ! 
ترى الطبخة سهلة جداً ,, بس آآنا ماعرف الا اهذر وايد !
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة indienne ; 14-06-2009 الساعة 10:04 PM
السبب: شعار التميز
10-06-2009, 04:04 PM
ضوابط المشاركة
العرض الشجري