يا خوي تعوذ من ابليس ايش تعاطفنا معها .. يعني معنى كلمتك هذي انها غلطانة في الي سوته

واحنا تعاطفنا مع غلطتها ..

سؤال :

هل تعتقد أن زواجها غلط ؟؟

وش كنت تنتظر منها تعمله بعد طلاقك وزواجك من غيرها ؟

هل كنت تبغيها تعيش على ذكرياتك ؟؟

هل كنت تبيها توسط أحد عشان ترجعها لعصمتك بعد ما تقدم لك وعود أنها تكون مثل ما تبي ؟؟

ابي افهم وش الي يدور في راسك عشان نتعاطف معك انت بعد


معنى كلامك انك مقتنع تماماً بالزوجة الثانية وأنك سعيد معها جداً وأن طباعها افضل من زوجتك

الأولى وأنك قادر على التفاهم معها وأنها ماشية مثل ما تحب ..

طيب هذا شي حلو .. المفروض تقول الحمد لله الي الله عوضني عن زوجتي الأولى الصعبة

انت شفت زوجة تناسبك وتقدر تتفاهم معها

وهي ان شاء الله زوجها يناسبها أكثر منك وقادر يحتويها و تحتويه وقادرين يقدمون يفهمون بعض

ويتأقلمون مع بعض ..

والله شي حلو .. انت سعيد في حياتك وهي سعيدة في حياتها

ومثل ما ذكر المتهندم الحديث (لا يؤمن أحدكم حتى يحب لأخيه ما يحب لنفسه)

يعني بعد مو تفكير هذا ولا منطق .. أنت تتزوج على طول وتعيش حياتك طول وعرض وتنجب أطفال

وهي تبقى حاطة يدها على خدها وتندب حظها وتنتظر المجهول

__________________