أحسن شي يا عزيزتي ... من خبرة وحدة مجربة خطيب على طووووووول مشغول ...
إنك تخلينه على راحته شوي ...

خليه و لا تسئلين عنه .. إتركيله مجال يشتاق لك ...
و إذا اتصل لا تعاتبينه أبداً ... هو أصلاً راح يستغرب .. و يحس إن في شي مو طبيعي ..
و بيتغير صدقيني..

ألحين كل اللي عليك تسوينه .. إنك تهدي بالك .. و لا تزعجين نفسك و تزعجينه ..
إشغلي نفسك شوية عنه .. مثل ما هو مشغول .. صيري مشغولة ..

انا مثلاً .. كنت كل يوم أسوي لخطيبي معركة إذا ما اتصل أو ما جاء بيتنا ...
لأني أول ما انخطبت فضيت نفسي تماما له .. و قطعت معظم نشاطاتي و أشغالي علشانه .. و ما كان في برنامجي اليومي غيره .. و طول اليوم فاضية ..
بينما هو لازال مشغول .. و لازم يكون مشغول لأن ظروفه هكذا ..

أنا يوم شفت إن الخلافات زادت و هو ما قام يعطيني وجه و أحياناً ما يهتم ..

قررت أمتنع عن (ملاحقته) و عتابه ... لأن كثرة العتاب يفرق الأحباب ....

و صار إذا يتصل ما أقولله ليش ما اتصلت أو ليش ما جيت بيتنا ..
صرت اخليه على راحته ... و أنا رجعت لأنشطتي و برامجي و علاقاتي ...

لأن الحياة في الخطوبة مو بس لازم تكون محصورة في مقابلة الخطيب و الخروج معاه و الغزل و الحب .. بالعكس .. أصلاً الوحدة لازم تستغل فترة ما قبل الزواج بالأنشطة و البرامج المفيدة لأن بعد الزواج و مع العيال راح تنشغل و تبتعد عن كل شيء ..

على العموم .. الله يهدي خطيبك .. و يهديك..
و لا تنسين إن الفرق العمري بينكم كبير نسبياً ... و يمكن هذا السبب هو اللي يخلي خطيبك جاد أو حيطة على حسب قولك ..

عشان هيك .. صيري ثقيلةشوية ..
و صللي على النبي .

و كل شيء راح يصير تمام ... إن شاء الله ..

__________________