السلام عليكم

اعزائي عدت وعادت معي مشكلتي مع والدتي الله يهديها ,,,

من قرا مشكلتي الاولى سيتفهم ما ساكاتبه الان ,,,

بالمختصر المفيد امي تريد من زوجي ما فقدته من اولادها اللي هم اخواني ,,,

والمشكله انه امي تحب تتمسك بالماضي يعني ما تتركه وراء ظهرها يعني لازم تجيب سالفه مر عليها فتره

يعني الى الان مع انه مر على زواجي سنه مازالت تذكر النواقص اللي صارت في الفرح وانه اهل زوجي

فشلوها ,,, وياما تكرر وتعيد فهالسالفه الين اتعب نفسا واجلس ابكي ,,,

حتى العيد لما جا تقوللي استغربت انه زوجك ما عايدني ياناس زوجي راتبه 5800 عنده قرض للبنك بسبب

الزواج وعنده ايجار شقه وطبعا اخوانه ولا احد فكر يساعده او يقول تبغى شي هو تكلف بالزواج من الى

وانا والله راحمه حاله وحاسه فيه لكن امي مو قادره تقدر وضعه نهائيا والله اوقات من كلامها اجلس ابكي

بالساعتين والثلاث حتى زوجي يستغرب ايش فيه لكن ما عمري قلتله على كلام امي

انا اكثر ما يهمني في زوجي انه اطيب من الطيبه نفسها انسان حساس جدا يخاف عليه يحبني بجنون

حتى انه ما يرضى يشوف الدموع في عيوني واي شي اطلبه يعمله ليه طبعا في حدود المعقول ,,

ووضعه ان شاء الله راح يتحسن قريب بس امي على بالها اني تعبانه في حياتي ,,, بس انا راضيه

ومبسوطه ومقتنعه ,,, لكن من يفهمها ياناس

انا عندي سؤال ابغى اطرحه للرجال هل من الواجب انه زوج البنت يعايد الام بمعنى يديها فلوس ؟

انا تقهرني امي لما تقارن بيني وبين غيري من البنات المتزوجات انا ما احب احد يقارني باحد حتى قبل لا

اتزوج لكن امي فيها هذا الطبع اللي ما احبه ,,,,

شوروا عليه ايش اسوي ؟