خيانة زوجي إلى أين ؟
بسم الله الرحمن الرحيم
السلام عليكم ورحمة الله وبركاته
لا أعلم من أين ابدأ وماذا أكتب هل أبدأ من البدايه ام من النهايه وهل هناك اصلا نهايه..؟؟
صديقتي وأقرب الناس لي طلبت مني مساعدتها قدر المستطاع ولكن مشكلتها أكبر من أن أساعدها حيث انني لم ادخل عالم الحياة الزوجية وليس لدي الخبرة الكافيه للنصح في مثل هذه القضايا..
لاأطيل المقدمة سوف اترككم تبحرو بين ثنايا المشكلة..
سأحاول قدر المستطاع طرح لكم القضية كم روتها لي صاحبة المشكله
(بعد ماتمت موافقتها على طرحها بالمنتدى)
أنا فتاة أبلغ من العمر 23 عاما متزوجه منذ عامين ولدي طفلة والحمدالله حياتي كلها سعادة وانسجام مع زوج مخلص وخلوق وأبا حنون قائم بواجباته الزوجية على أكمل وجه.
ولكن من بداية حياتي الزوجية لاحظت دخوله للنت بشكل يومي وكأنه جزء أساسي بجدوله اليومي وناقشته مرارا بان هذه العادة تضايقني خاصة ان ليس لدي علم عن المواقع اللي يدخلها وأغلبها بالإنجليزي ..
المهم تغير للأحسن ومر يوم ويومين وثلاث ومايدخل للنت غير مواقع عاديه يتصفحها امامي ولله الحمد
بس حصلت نقطة انقلاب بحياتي بعد اول مولودة رزقت بها
غبت عن منزلي 40 يوما كنت عند اهلي بخلال هذه الفترة زوجي رجع للنت بشكل يومي وبالساعات
انا لاحظت التغيير بعد مارجعت لمنزلي أهم هذه التغييرات //
1_ وجدت كاميرا صغيره لما استفسرت منه عنها قال انها لأخوه نساها بسيارته واخوه اصلا ماعنده كمبيوتر .. خبأتها عنه وقلب البيت بحثا عنها وعصب وزعل مني بسببها .
وأشترى جهازا محمولا يحوي كاميرا
2_ في يوم من الايام نسى جهازه مفتوح على موقع إباحي مخل بالادب تصفحت هذا الموقع ووجدت عضويته طبعا عرفت العضويه بصورته الشخصيه اللي منزلها لأن الموقع بالانجليزي من غير مواقع الدردشة الكتابيه اللي يدخله من وراي
تصرفي في هذا الموقف..
كتبت له رساله وتركت الجهاز مفتوح على صورته وكلام الحب اللي كاتبه لبنت بالمنتدى
ردة فعله .
اعتذار منه ووعد انه مايدخل المنتدى ثاني وحذف العضويه وطبعا زعل مني لتتبعي مايتصفحه من وراه .
انا قبلت اعتذاره وبررت له سوء تصرفه من غيابي الذي دام قرابه الشهر.
3_ ايضا لاحظت انه يكتب ويبتسم وهوعلى النت لما اقرب منه يقفل اللاب توب
أساله لماذ تقفل الجهاز ؟؟ لماذا تضحك ؟؟
يقولي مو انتي تدخلي من وراي وتراقبيني خلاص مايحتاج تشوفي انا على ايه ادخل ويزعل ويطلع من البيت يحملني انا الخطأ وأتصل عليه وأراضيه.
4_ فتحت جواله لقيت بالسجل مكالمات بالساعات وانا تقريبا اعرف اسماء اصحابه كلهم اما هذا الاسم شكيت فيه سجلت الاسماء اللي شاكه فيها كانت اسمين..
لماكنت بالجامعه اتصلت على الارقام والفاجعه الكبرى ان اللي ردت علي بنت جدا انصدمت مو معقوله زوجي توصل فيه انه يكلم بنات
رجعت اتصلت على الرقم نص الليل بس للتأكيد وايضا ردت البنت
رجعت ارسلت لها مسج وقلت لها ليه تكلمي شباب خافي الله
وردت لي بمسج واستمرت المسجات فيما بيننا قرابه الساعه وبالاخير انا قلت لها انا وجدت رقمك بجوال اخوي ومن خوفي على اخوي ارسلت لك لتبعدي عنه وردت وقالت هذا جوال اخوي نساه عندي طبعا انا ماصدقتها.
واجهت زوجي بكل اللي صار وكنت ابكي ومنهاره لدرجه كبيرة وقلت له اذا ماتبيني ارسلني لاهلي
كلمتي هذه كالصفعه على وجه قال مستحيل استغنى عنك انا احبك ولاتعيدي هذا الكلام ..الخ وطبعا أنكر انه يكلم وحلف بالله العظيم انه مايكلم بنات .
ولما شاف الرقم قال هذا رقم صديقي والحين اتصل لتتاكدي وبالفعل اتصل وكان الجوال سبيكر واللي رد عليه رجال وأنا متأكده من اللي ردت عليه بنت
وكالعادة انقلب الموضوع ضدي وزعل مني حتى كلام مايكلمني ابدا لاني شكيت فيه ومر قرابه اليومين وهو زعلان حتى الكلمة مو بيننا يوصلني للجامعه وهو ساكت ابدا ماينطق بأي كلمة
(بلحظه الموقف يعتذر ويراضيني وبعد كم ساعه من الموقف هو يزعل ويطلع من البيت )
اعتذرت منه عن اللي صار والحمدالله كملت كم شهر دون مشاكل او شكوك
فتحت صفحة جديدة بحياتي ونسيت كل اللي صار حتى دخوله للنت اتغاضى عنه واحاول اغير الروتين اليومي بحياتي كل شئ جديد بالحياة الزوجية جربته من ألعاب زوجية وليالي رومانسية وهدايا
وطلعات وفسحات اهم شئ ابعده عن النت ومع كل هذا اصبح لايدخل النت اذا كنت موجودة بالبيت ويستغل وقت نومي او زيارتي لأهلي لكي يدخل النت وصار كل يوم يقولي اطلعي زوري اهلك عماتك خالاتك صار يحاول يخرجني من البيت بأي وسيله اهم شئ اترك له المجال للنت
واذا ماسمعت كلامه وزرت اهلي هو مايجلس بالبيت ويرجع قريب الفجر يروح لمقهى
بس يثبت لي ان جلوسي بالبيت مايغير شئ بحياته
اذا فتحت موضوع معاه للنقاش يعصب ويزعل مني يقول انا مو مقصر معاك بشئ انتي بس تحبي النكد
لجأت الى الرسايل اكتب له بورقه المشكلة والتغيير اللي صار بحياته ولا يرد علي ولاكأنني كتبت شئ يتجاهل اي موضوع للنقاش سواء عن طريق المواجه او الرسائل.
تقريبا الحين ما اشوفه غير وقت النوم والأكل لدرجة انني اشك انه متزوج من اخرى ولو طلع شكي بمحله مستحيل استمر معاه .
زوجي جدا طيب لأبعد حد بس مو قادره افهم سبب التغيير بحياته وعمره مارد لي طلب
وملتزم بالصلوات الخمس ويصلي النافله ويتصدق ويكثر من الدعاء بس فيه شئ مجهول بحياته مو فاهمته..
..
هذه مشكلتها كماقالتها لي
أتمنى من ذوي الخبرة نصحها وتوجيهها لكيفية التعامل مع هذا الزوج
- هل تستمر في مراقبته؟ مع أني لا أؤيد هذه المراقبة ضررها أكثر من نفعها
- هل تصبر ؟؟ وتتغاضى عن كل تصرفاته؟
- أم ماذا تفعل؟؟
أترك لكم الحريه في الرد وهي سوف تقرأ كل ماكتبته أناملكم
شاكره لكم نصحكم وتوجيهكم
جعله الله في موازين حسناتكم
التعديل الأخير تم بواسطة cutiepie ; 21-03-2009 الساعة 01:01 AM
17-03-2009, 06:48 AM
ضوابط المشاركة
العرض الشجري