المشاركة الأصلية كتبت بواسطة زينة ونحول

يا حبيبتي ام عبودي ولتون لا تبكي ولا اشي ولا كانه صار اشي.. حماتي هيك بتعمل في عادي اولها كنت ابكي وازعل واعصب ام الان صار عندي مناعة ..ههههههههههههههه فانتي طولي روحك يا حبيبتي
شوفي انا شو بسيير فيي عشان يهون عليكي اشوية

بس ييجي اي حدا عندها بتحكي عني.. وبالعيد لو اجي اسلم عليها بتسحب ايدها وتقول انا ما بدي اسلم علا احد ابنها مش زوجي اخوه يقولها يا أمي عيب البنت بدها تسلم عليكي قالت له ما بدي اسلم ع حدا قالها الان سلمتي علي تقوله ما بدي اسلم.. ومع العلم والله اللي يشهد علي انه قبلها ما كان بيني وبينها اشي بس بالعيد دايما تقعد تبكي وتندب حظها.. وبعدين عادي بس ييجو اولادها المغتربين عادي بتبطل تحكي معي مع اني مش عاملة لها شي الله يعلم.. وبتحاربني اسبوعين وبروح عندهم ع اساس ما في بيني وبينها اشي بتكون محارباني وبسلم بتردش السلام بتقعد تتطلع في بدها توكلني المهم بقعد نص ساعة وبروح بس عشان ما يزعلو اللي جايين من السفر يقولو ما اجت تسلم علينا بغيب يوم او يومين برجع بنزل بسلم بتردش بقعد شوي بعمل الواجب وبروح عالسريع الله اكبر على كل من طغى وتجبر... مرة ابنها اجى من الغربة قعد عندها شهرين حاربتني منهم والله شهر ونص وعملت لي مشاكل بدون سبب.. انا بحاسبها يوم القيامة..

صدقوني يا بنات ما تقعدو تقولولها جيبي لها هدية او ساعديها او مشطيها انا مجربة هادا كله حبيبتي جبت لها هدايا كتير ما بتلبسها و بدهاش اساعدها بشغل البيت علما انه عندها شغالة ازا اجيت بعزيمة اساعد اجلي او شي بتقعد تصرخ تقولي انا مش محتاجة لك ولا لاحد شغالتي بتجلي روحي اهتمي بابنك المهم بتيجي سلفتي اللي اكبر مني بتجلي وعلما عندها ولد بعمر ابني تخليها تجلي...!!! ثم تاتي بنتها تقول انا بساعد فلانة(سلفتي) ثم سلفتي تروح تصلي تبقى بنتها تجلي لحالها تيجي حماتي تقول .. فعلا انتو ما عندكم زوق (علما فش غيري قاعد معهم بالمطبخ) مخليين بنتي واقفة ع المجلى لحالها يا فلانة(تنادي الشغالة) تعالي ساعدي بنتي..

لما قلت لزوجي قالي امي بالعزايم بتعصب ازا بتفش حرتها فيكي مش مشكلة والله هاذا غيض من فيض
اه.. بس حسبي الله ونعم الوكيل ..

السلام عليكم

بعدين صحيح افرضو انها زوجتها ابنها هي مش اول واحدة ولا اخر واحدة تزووج ابنها هذا اولا .. وهي قبل ما تعطي ابنها لواحدة كانت هي بنفسها اخدت ابن امراة (اللي هي حماتها) (اللي هو زوجها) يعني هي ما عملت اشي خارق للعادة وزي ما انتي اخدتي ابنها بكرة بتعطي ابنك لواحدة هادي سنة الحياة مش فاهمة ليش بتحس انها عملت شي خارق للطبيعة.. سبحان الله.. استغفر الله العظيم..