لا حظت في شكاوى الأزواج هل أنا على صواب ؟
السلام عليكم و رحمة الله و بركاته
يمكن كلامي و أفكاري مو مرتبة ، بس و الله في شي شاغل تفكيري و حبيت تشاركوني بأفكاركم
سبحان الله لاحظت شي من شكاوى الإخوان من زوجاتهم ن سواء المتزوجين و يفكرون في الطلاق أو المطلقين،
كثير من الإخوان يشتكون إن زوجاتهم ما تسمع كلامهم رغم إنهم يتكلمون مع الزوجة أكثر من مرة و ما فيه فايدة ، من وجهة نظري كزوجه وايد تكررت هالمشاكل و خصوصاً في بداية الزواج كثير من أسبابها ممكن تكون بسيطة بس مو قادر الزوج يفهمها :
أحياناً يكون صعب عليها تغيير شي مغروس في شخصيتها و طباعها
أحياناً تظن أزوجة إنه ما راح ينتبه
أحياناً تقول في نفسها ، الموضوع تافه و أكيد راح يطنش
أحياناً تظن إنه بهالأسلوب راح تعوده هي على طريقتها و تخليه يتقبل أسلوبها
أنا دايماً أسمع من بعض الحريم و حتى الأمهات ينصحون بناتهم (مو كل شي تسمعين فيه كلام ريلج )
و بعد في نفس الوقت فيه أزواج الله يهديهم يحبون يتدخلون في كل صغيره و كبيرة و يفرضون رايهم ، و خصوصاً إللي ما عندهم أبسط أبجديات الحياة الزوجية ، أما إللي عندهم عقد نقص فحدث و لاحرج
و الله مو دفاع عن الزوجات بس أتمنى الأزواج يكون عندهم صبر أكثر ، و ما يتمون يشغلون تفكيرهم بعيوب الزوجة ، كل يوم راح تكبر العيوب أكثر و أكثر و يبدأ الكره حتى تصير الحياة جحيم لا يطاق ، إذا مو في كل الحالات ترى في أغلبها الزوجة ما يكون هدفها إنها تمشي رايها و تكسر كلام ريلها ، أصلاً ما تكون تعرف إن زوجها مستاء ويتعذب بينه و بين نفسه بسبب تصرفاتها ( نحن نعتقد إن الزوج قوي و كبير في تفكيره و ما يتأثر بسهولة ) و كثير من الأحيان يمكن ما عندها القدرة على التغيير بالشكل و السرعة إللي الزوج متوقعها و منتظرها ، بالإضافة إلى إن إحساسها إن زوجها يتصيد و يتعقب زلاتها يخليها متوترة و عصبية و بالتالي تزيد أخطاءها
إذا كنت وايد مستاء من تصرف معين من البداية كلمها بحزم و بين الألم إللي تحس فيه مو عيب و تأكد ترى ما يهون علينا نشوف أزواجنا متضايقين ولا متأمين بسببنا .
حابة أسمع آراء الأزواج ( حالياً أو سابقاً) و حابة أعرف من المتزوجات :
هل كل شي تسمعين فيه كلام ريلج؟ ( أكيد فيه بديهيات متعلقة بالشرع و أعراف المجتمع ما تحتاج نقاش )
شو الأشياء إللي خليتيه يتكيف معاها و يتوقف عن محاولاته لتغييرها فيك ؟
و إذا كان الرجل ما يراعي محاولات زوجته و يظل يتدخل في كل صغيره و كبيره و يبي هالحرمة طبق الأصل للصوره إللي كانت في مخيلته عن الزوجة ، شو الحل ؟
26-02-2009, 12:54 PM
ضوابط المشاركة
العرض الشجري