سبق أن عرضت مشكلتي بس الحمدلله ما كان فيه ولا رد

ابنتي عمرها شهرين و 20 يوم و لما ولدت اجا حليبي بعد 10 أيام و كنت خلالها أعطيها صناعي و حتى لما اجا الحليب كان قلييل جداً ولا يكفيها فصرت أعطيها صناعي مرة الصبح و مرة المسا و باقي النهار طبيعي و مع ذلك ما تشبع و تستمر بالبكاء فاضريت أزيد الرضعات و بعدها هدأت بشكل ملحوظ يعني المشكلة كانت من الجوع

من وقتها لهلأ ما وقفت الطبيعي و كانت احيانا ترفض لكن اصر عليها و تقبله

المشكلة الأن إنو بنتي مضربة عن الطبيعي من أسبوع تقريبا و ما عم ترضاه نهائيا مع انو حليبي زاد عن قبل ما شالله بس تعودت على الصناعي و انا كتير مقهورة

حاولت أجوعها لتاخد صدري بس ما زبطت و بس تبكي قلبي يرق و اروح اعملها رضعة

استشرت اخصائية رضاعة بس ما استفدت

بس بدي نصيحتكم


قبل شوي قريت موضوع لكرستالا بتقول انو الرضع بيبكوا لمدة ما بتزيد عن 15 الى 20 دقيقة

يعني في امل اذا تركت بنتي تبكي و تجوع انها ترجع ترضع مني

انا خايفة حليبي ينشف و يقل

والله بموت من القهر لما اقرا موضوع عن حليب الام و فوائده او لما اشوف ام بترضع ابنها او بنتها يلي صار عمرها سنة و انا بنتي شهرين رافضة حليبي و بتفضل حليب البقر عليه

كل ما اصلي بدعي ربي يخلي بنتي ترجع ترضع

والله مليت و ميتة من القهر

يا ريت تدلوني تطمنوني ترشدوني

والله ينولكم يلي ببالكم و يرزقكم شو ما بتتمنوا لكل حد رح يساعدني


[info]تم تعديل العنوان ليتناسب مع محتوى الموضوع[/info]