[QUOTE=المصرية;2063615][size="4"][color="blue"]
اهلا بحبيبتى أبو تريكه
_______________
بصـــــــــــــــــــى بصراحه مشكلتك ليس هينه
لكن محتاجه ذكاء منك ومن زوجك وأتفاق جاد بينكم
أن تراعوا هذه السيده من واجبات وتلتزموا بمعاملتها أحسن معامله
وكل ماتحتاجه من أكل وشرب ورفاهيه كما تعيشين تماما لأن سيد الخلق
لم يوصى على أحد مثل
ما وصى الرجل بــــــــــــــ بر أمه
والزوجه ياأختى جعلها الله عون لزوجها على طاعة الخالق فالأن توجهى لربك فهو ميسر العسير
وأخذى قرار حاسم بإرضاء ربك وزوجك وأمه
وبعد ماتوصل السعوديه أى تصرف غير لائق منها كأنك لم تسمعيه من أصله
أعلم أنك هاتتضايقى وتتنرفزى جدا كمان بس مره ومره هتتعودى على عقليتها البسيطه
وحشتيني ياقمر
ربنا يسعدك وعقبال مانفرح بيكي يا احلى عروسة
انا والله مش ممانعة اني استحملها بس في حاجات مستحيل اتحملها ولو دي نهاية الحياة بين انا وجوزي
يعني انا هحكيلك موقف وقولي بامانة رايك ايه
صحيت مرة من النوم ودخلت المطبخ اطلع لبنتي زبادي تسخن شوية ودخلت اغير لبنتي طلعت لقيت حماتي في المطبخ ومالقيتش الزبادي فسالتها قلت يمكن تكون دخلتها التلاجة تاني
قلتلها حضرتك ياطنط شفتي علبة زبادي هنا؟؟
لقيتها بتبصلي كاني اجرمت
وبتقولي ماتفوقي لنفسك زبادي ايه يام زبادي انتي شايفاني حرامية؟؟
كل دا وانا عاملة كدا
قلتلها انا اسفة يمكن حضرتك فهمتيني غلط انا بجد مش قصدي ولسة بكمل توضيح للموقف
ولقيت وابل من الاهانات انتي نسيتي نفسك دنا ااكلك واشربك
ملحوظة{بالنسبة للمستوى المادي اهلي فوق الممتاز وهم اقل من المتوسط}
ومش عارفة ايه الي خلاها تدخل النقطة دي في الحوار
من الاساس
واتصلت بزوجي وقعدت تصرخ لدرجة ان جاراتي سمعو صوتها وقعدت تقول تعالى الحقني مراتك عايزة تسمني وتموتني انا خايفة ودخلت استخبت مني في الحمام وقفلت على نفسها بالمفتاح كل دا وانا ساكتة مش عارفة فيه ايه
المهم بدات بقى تجرح في اهلي وانتو ناس بخيلة وانتي مش متربية وباباكي بدل مابيلم فلوس على قلبه
يربي المحترمة الي بتتهم حماتها بالسرقة
انا هنا بقى كان صبري نفذ
قلتلها لو سمحت لحد هنا كفاية وستوب انتي بتتكلمي عن اهلي ودول ناس محترمة ماغلطوش فيكي
قالتلي نعم هما يقدرو اصلا انتي هتعلميني يا متربية اكلم ازاي يعني انا حرة واغلط براحتي ووريني هتعملي ايه؟؟
قلتلها يعني ابنك يقبل مهما حصل اني اهين حضرتك انتي او والده؟؟
قالتلي رد غريييييييييييييب
قالتلي انتي اجننتي
انتي عايزة تقارني اهلك بينا؟؟؟؟
وتحطي راسهم براسنا
احنا ياماما اهل راجل اما اهلك اهل ست
واهل الست دايما لازم يستحملو عشان بنتهم تعيش
وابني لما ييجي ان ماحطش دماغك تحت رجلي هتبرى منه
انا هنا بقى قلتلها بصوت حاد وبعصبية
لاعشت ولا كنت يوم ما اهلي يمسهم بشر بسببي
ولاعاش ولا كان الي يفكر يهين اهلي او يمس كرامتي انا او هما
قالتلي انتي متكبرة ومغرورة وعندك اهلك اغلى من ابني
المفاجأة
ان انا وجوزي وهيا قاعدين مع بابا في شقته لان بابا لحد دلوقتي بيشتغل في السعودية
هو دا اخرة المعرووووووووووووووووووووووف ياناس؟؟؟
قولو رايكم بامانة في حد يستحمل كدا
مش قارة بجد مش هقدر استحمل اسلوبها انا اتربيت عالاحترام مش على الاسلوب الرخيص دا
07-01-2009, 05:01 AM
ضوابط المشاركة
العرض الشجري