ماتقلقيش ياحبيبتى
انا كمان والله نور بنتى 10 شهور وياحبيبتى بتقع لما بتحاول تمسك فى الكنب علشان تقف وبتقع على راسها وأسمع انا الدبه من بعيد وأجرى عليها مع ان اهلى بيكونو جانبها
بس قلبى بيقف وأفضل ازعقلهم علشان ماخدوش بالهم عليها
اقولك حاجه
اول وقعه وقعتها كان عمرها شهرين مع انى كنت ديما بقول استحاله هخليها تقع وهخلى بالى عليها قووووووووى
المهم كنت حطاها فى عربيتها وهى بتتعمل سرير طبعا
وحاطه العربيه مابين سريرى وسرير اختى المهم وفى فى النصف كومدينو
انا صحيت على صوتها بتعيط قومت اتفزعت واختى وماما صحيو ياحبيبتى كانت اول وقعه وماكنتش اتخيل حد يقع فى العمر ده
مش عارفه ازاى وقعت زحلقت نفسها ازاى مش عارفه لان هى اصلا كانت حركتها مش جامده يعنى بس كنت منيماها على بطنها
المهم بعد ماشفت ماكان الواقعه لقيت مسمار فى الكومدينو قلت الحمدلله سبحان الله هى وقعت وراسها لزقت فى الكومدينو لكن الملايكه حفظتها الحمدلله
فكرتينى باليوم ده قلت لازم احكيهولكو
وطمنينا على ابنك ضرورى
__________________
28-12-2008, 05:27 AM
ضوابط المشاركة
العرض الشجري