الفترة الماضية كنت أعيش فترة أحلام وردية كلها عن :14::14::14:

الحب و الزواج و الرومنسية اليييييين فصل مخي

ليييييييييييش

المشروع الله العالم أنه تعطل بسبب رفض الوالدة الله يطول في عمرها

تقول لي يا أبو مخ فاصل مافيه زواج قبل أخوك Xxxxxxxx

لالالالالالا يا ماما الا هالكلام قالت : الظاهر أني أتكلم عربي مفيش زواج أبل أخوك

قلت لها حتى أنا و الله ما يهنى لي الزواج و أخوي Xxxxxxxx ما تزوج بس الرجال سالفة الزواج شايلها من رأسه

قالت الوالدة : لا خل نصبر عليه شوي قلت لها : سمي أنا في الشوفة طال عمرك و دقيت التحية

قبل سالفتي مع الوالدة و بعدها و أنا أحاول في الرجال أقلبه يمين يسار و لا فيه فايدة

يقول تراك اذا قعدت تنتظرني تراك منت متزوج

مشكلة الرجال أنه ماخذ فكرة سيييييييييييييئة عن الحريم

يقول : الحريم يحبون الجمعات ( وهو يكره طاريها ) و تفكيرهن محدود و عقولهن خاوية

وكلام الوحدة منهن كثير و غصب عليك تسمعه لا و باهتمام

و يحبن كثرة البزارين ( و هو سبحان الله ما يحب الأطفال )

ا.هـ

وهو الله يهديه مرات يجلس بالايام ما تطلع منه كلمه و مرات العكس و لا يتوقع واحدة تصبر على الوضع هذا


بالله عليكم و ش الحل معه ؟؟؟