السلام عليكم ورحمة الله وبركاته
بسم الله الرحمن الرحيم
هذه اول مشاركة لي في المنتدى
وحبيت اسلم على الجميع
وخصوصا خواتي المطلقاتي
وانا مافي بعدي لان جدتي مطلقة وامي مطلقة وانا مطلقة
ما راح احكي سبب طلق جدتي وامي لاني مو متاكده من الاسباب
بس انا مطلقة لاني طلبت الطلاق من زوجي بعد عناء استمر ثلاث سنوات والحمد لله ماعندي اطفال
زوجي مسلم ويصلي ويصوم ويقوم بكل فروضه ولا يسكر ولا يضربني ولا يزنى ورجل بكل ماتعني الكلمه بين الرجال
وانا قلت كل مواصفاته بصدق لان اغلب الناس يسالوني هذه الاساله ويردون علي طالمه انه بهذه الاخلاق ليش تطلبين الطلاق منه
ماوجدت احد يحس بي ابدا
في حياتنا اليوم تكون كل المشاكل زوجي كان ممثل بارع اذا جاء ابوي عندنا يسوي نفسه طيب معي وكانه معيشني اميره بس اذا راحوا قلب حياتي جحيم على ابسط الاسباب
لو اسوي صوت وانا اكل يقلب الدنيا او انا اشرب
ولا ينام معي في الغرفه ابدا شهور طويله انام بروحي
لو اجلس امامه في احلا صوره ولا كانه شافني
مايحسسني اني انثى ابدا
بالمختصر في الفراش مايسعدني
وفي البيت منكد علي عيشتي لابسط الامور
واضف الى هذا اني متغربه عن اهلي خارج بلدي
يعني غربه وهم صعب والله صعب
المهم طلبت منه يكون حنون معي ويعرف قيمتي او يتركني لاني ماقدر اتحمل كل هذا خصوصا وان مالي اطفال وهذا اللي شجعني على تركه
رفض لكن انا طفح الكيل عندي وصرت اكرهه ولا احبه وابغى اتركه باي وسيله لاني احسه يحب يمتلكني مو يحبني انا
صرت ما احترمه نتيجه لافعاله وصغر عقله صرت ما اجيه للفراش لانه هو يمتع نفسه بس
وارفع صوتي عليه وارد عليه بنفس اسلوبه
وكل مارجع لنفسي يانبني ضميري وقول كيف زوجي بعيش معه العمر كله هذا حالي معه كيف بره لو جانا اطفال كيف بيكون حالهم وحنا كل يوم هواش
طلبت منه الخلع رفض وقال طالما انك مصره بطلقك
وطلقني:14:
وانا الان مرتاحه منه ومن همه ورجعت بلادي لكن للاسف المجتمع العربي مايرحم المراة المطلقه
انا كان قدري اجلس عند زوجي وسوي من وراء ظهره كما ابغى بس والله ماقدر لان ربي يعلم ما افعل حتى لو اهلي بعاد عندي وهو مشغول عني ولا يدري عن حالي ولا جاء البيت مايسوي شيء غير انه يهاوش معي على ابسط شيء
والله موضوع الطلاق يدوخ وصعب تنقل كل الصوره في سطور
واسفه للاطاله
01-11-2008, 05:27 PM
ضوابط المشاركة
العرض الشجري