احبائي الأعضاء الكرام ابي مشاورتكم في وضعي

السالفة وما فيها ....

ذات يوم أتصلت علي أمي الغالية وقالت لي وجدنا لك أن شاء الله الزوجة المناسبة على الي تبي وتحمست طبعا أنا كثيرا لرؤيتها وطبعا وافقت على الرؤية الشرعية حتى الأن الأمور تمام ولله الحمد

طبعا جاء الوقت المناسب للرؤية ورحت للبيت اهل البنت وجلست في مكان أنا واخوها وطبعا بعد كذا دخلت المسكينة على استحياء كبببير جدا يعني حتى حاولت أكلمها ما ترد عموما عادي الحياء بحد ذاته ميزة

طبعا ناظرت فيها بكل تركيز وفي البداية وجدها جميلة جدا خاصة الجهة الجانبية من وجهها ولكن لما جلست أمامي ايضا بدت جميلة لكن أقل من الجهه الجانبية من وجهها

عموما طلعت ذاك اليوم فرحان مبسوط ومتشقق ان هذي راح تكون زوجتي أن شاء الله والحمد لله حتى الأن الأمور تمام

طبعا أتصلت على أبوها بعد ما صليت الإستخارة وقلت خلاص أني موافق وأموري تمام حتى الأن الأمور تمام التمام

لكن جاني شئ غريب يا جماعة الخير الأن بدأت أفكر كثير وأحياناً ما أنام من التفكير أنها غير جميلة وأنما كان يخيلي أوأو... حتى والله نسيت شكلها ما أدري وش الي صار مع أني من الناس الي يتذكر الأوجه بشكل جيد

لكن والله ما أدري وش جاني وش رايكم يا أخوان ما العمل ؟
هل فيه أحد مر بحالتي الغريبه هذي؟

المشكلة أني أخاف أنها فعلا عاجبتني بس نسيت شكلها وأحاول أتذكر وش الي خلاني أستانس ذاك اليوم وش الي شدني لها ماني عارف .