عندي سؤال: انت شو مستواكي التعليمي؟
حبيبتي, مو كل واحد مو مكمل دارسته يكون جاهل او مو متعلم . يمكن الضروف ما سمحتله بس اهو يبي يكمل بس ما صارت الفرصه .. في ناس عندهم الفطنة و الذكاء بدون الشهادة , خاصا لو عنده خبره ..
لو كان مستواكي ماجستير و اعلى, عيل صح مستواكي مو متوافق معاه ابدا - بس لو عندك بكالوريوس بس, اذا مو شرط يكون في فرق شاااااااسع للمستويين !!
بعدين انتي لازم تشجعيه على انه يكمل دراسته , الحمدالله الدنيا مليانه دراسات بارت تايم و معاهد بالليل , والخ .. كوني عونا له, شجعيه و حثيه على الدراسه, وبكرة ما بيكون في فرق بين مستواكي و مستواه ! - هالمشكلة انحلت باذن الله!
بخصوص عصبيته - حبيبتي مثل ما قالت نايت الله يجازيها كل الخير : ابحثي عن فنون التعامل مع الناس العصيبيين .. لما تكوني خطيبته و بعيده عنه صعب اشويه تتفاهمي معاه, بس بكرة ان شاءالله بعد الزواج الموضوع راح يكون اسهل .. انا زوجي حييييل عصبي , بس الحمدالله الحين و بعد 9 اشهر زواج, انا على احسن حال, العصبيه مو مشكله صعبة كثير , وربي في اشيا صغيييره تقدرين تسوينها بس راح تأثر 180 درجه عليه .. و اهو الحمدالله صار اقل عصبيه و يحس بنفسه اكثر من الاول , و ما اعتبرها مشكله ابدا ( الا عصبية الصرييييخ و الضرب عاد هذي ما ادري ) =) - هاه, و هاي انحلت ان شاءالله ..
المشكلة يا حبيبتي مثل ما قال الاخ ربيع الحياة الله يجازيه ان شاءالله- انك انت موب مقتنعه به , لأنه المقتنع مستحييييل يشوف عيوب في حبيبه اصلا, ولا راح تقارنين..
عيوبه انا ما اشوف انها عيوب .. كل انسان اله عيوب .. المهم الحين انكي تجلسين مع روحك و تفكرين , هل ابيه او لا ..
التعديل الأخير تم بواسطة ام-وقاص ; 27-09-2008 الساعة 09:34 AM
27-09-2008, 09:28 AM
ضوابط المشاركة
العرض الشجري