صحيح ايام زمان الحب كان من القلب وهيك
لكن انا بشوف انو الايام هاي الحب لما يكون صادق وفي رومانسية بكون احلى من ايام زمان
يعني ايام زمان كان حب وبس بدون تعبير بالكلام ومسكة الايد و... الخ
الايام هاي لما الحب يكون صادق بكون حب + تعبير بالكلام والتغزل .... الخ
فاعتقد حب الايام هاي لما يكون حب حقيقي وعنجججججد حب
بكون حلو وبجنن
ويعني ليش بننظر انو الانفاتح التكنولوجي كان سلبي في العاطفة
صحيح الناس صارت مصالح وهيك
لكن في ازواج ماشاءالله كتير كويسين
ونساء كويسين كمان
مثلا يعني ازواج بتعلمو من النت الرومانسية او الاساليب الي بتحبها المراة
وكمان المراة هيك
فهادا شي ايجابي يصب في مصلحة الزواج والحب
طبعا هادا في الحياة الزوجية المستقيمة و الخالية من المشاكل الكبيرة والعقد والمصايب يعني يبعد عنا الشر
ويعني انا لو زوجي حيعاملني زي اجدادنا مكانو يعاملو جداتنا اكيد حنتحر
مش لانو ماكانو يحبو بعض
بس لانو الزمن اختلف
ولكل مقام مقال
وخليه عاد يستنكرو هما حرين
لكن ايش المش حلو في اجتماع الكلام مع الغزل مع الرومانسية مع الحب العميق
زيادة الخير خيرين
بتزكر مرة عمي شاب هوة يعني كان مصاب برصاصة في قدمه من اليهود وراقد في المستشفى
واجا يوم الفالانتين (يوم الحب)وهوة هناك
وزوجته صغيرة يعني جابتلو ورد احمر و هدايا وهيك
ويومها جدتي الله يحفظها فضحت الدنيا وصارت تقول وشو هاي الخرابيط الزلمة قاعد في المستشفى وانت قاعدة بتهبلي
والمشكلة كمان زوجات اعمامي الاخريات واعمامي صارو يتمسخرو
اقصد الكبار منهم فقط بس المشكلة انو هما مش كبار قد تيتة اكيد يعني في 40وال50
معقول حتى الفئة العمرية هاي مابعجبها؟
طبعا بغض النظر عن حرمانية هذا اليوم الا ان زوجة عمي احبت تفرحو وتنسيه همو في المشفى
ولان جدتي ساكنة مع عمي هادا فكل م زوجة عمي تعمل حفلة من هالنوع عيدميلاد ومش عارف ايش ماااااابعجب حماتها ابدا وبتصير تقول عشنا وشفنا الهبل
فيعني لامجال للجيل القديم ان يفهم الجيل الجديد
وبيشوف الحركات هاي استهبال
فرأيي هما الهم اسلوب في الحياة الزوجية والحب
ونحنا النا اسلوب
يجتمع الاسلوبان على مفهوم واحد وهوة الحب ولكن بطرق مختلفة
اسفة ان كنت اطلت الحديث
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
15-09-2008, 03:31 AM
ضوابط المشاركة
العرض الشجري