نفور وبرود الزوجه من زوجها(هل من مساعده)
السلام عليكم ,
بداية أطلب من كل شخص يمر ويقرى مشكلتي ويشوف ان عنده كلمه أو فكره تنفعني مايبخل علي فيها,وبكون شاكره وممنونه,
انا متزوجه من 5سنوات ونص,أقدر أعتبر زواجي ناجح,على الرغم من ان حياتي مع زوجي مرت بفترات جزر ومد,لكن قدرنا نتجاوز جزء من خلافاتنا أو بالأصح(أقنعت نفسي بأننا تجاوزناها)
أنا وزوجي متشابهين الى حد كبير في الأطباع(عصبي وأنا عصبيه ,مزاجي وانا مزاجيه,قوي شخصيه وأنا مثله قوية شخصيه عنيد,وأنا عنيده)وغيرها وغيرها من نقاط التشابه بينا,
نلتقي في أمور مشتركه كثير,بس نختلف عالأمور الأكثر أهميه بشكل كبير,
المشكله هالحين ان صار لي فتره أحس بنفور غريب من زوجي,وجالسه أتعامل معاه بأثر رجعي (يعني احس اني قاعده استحضر وأسترجع ذكريات مؤلمه ومشاكل حصلت بيني وبين زوجي وتعاملي معاه الفتره هاذي على أساسها)بالمختصر (حاطه الماضي بين عيوني)الشعور الي عندي ماهو عشوائي أو فجأه ظهر,في أمور بسيطه تحصل بشكل شبه يومي تقوي وتجدد عندي هالاحساس,
أنا أحب زوجي وهو يحبني ,بس مشكلتي اني أحب وأفكر يعني قلبي وعقلي يشتغلون في عاطفتي تجاه زوجي ,
حالة البرود والفتور الي أمر فيها مقلقتني واذا استمرت بتأثر على حياتي بالتأكيد,أتمنى منكم التفكير معي لايجاد مخرج لي ,
للمعلوميه آخر 6شهور مرت علينا أنا زوجي مشاكل قويه آخرها كان قبل 3أسابيع,المشكله الي حصلت زوجي قال فيها كلام ماتخيلت ولو للحظه ان ممكن يطلع منه,وبعد انتهاء المشكله ماتناقشنا بس تعاهدنا ان الماضي ماضي ولا راح نقلب صفحاته,بس للأسف ماقدرت أتقيد بالشرط أو حاولت بس ماقويت نفسي
__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه
09-09-2008, 03:44 AM
ضوابط المشاركة
العرض الشجري