السلام عليكم ورحمه الله
تمنيت ان اول موضوع لي بعالم المتزوجين مايكون مشكله لكن الحمدلله على كل حال
تزوجت قبل شهر وزياده من شخص لا اعرفه لامكالمات ولاشي مع اؤؤيد المكالمات للراحه قبل الزواج
وانا الان في بيت اهلي اريد الطلاق مع اني اعرف الطلاق مو شي سهل للبنت خصوصا
بس عشت معاه وماشفت الا الانتقاد بشكلي وبجسمي قسم بالله قلب مزاياي عيوب لين صرت اوقف قدام المرايه احس اني اقبح بنت على وجه الكره الارضيه وبالاخير صرت اقول ماراح احط مكياج كله واحد جاني احباط مع انه هو شافني وجت بعده امه واخته انا واثقه من نفسي الحمدلله
2- كلمه حلوه ماسمعتها احبك عمري حياتي الخ ولاحتى كلمه مدح ماسمعت لبست او مالبست كله واحد حتى مايناظرني ولاكاني عروس يطالع التلفزيون وبس ولاقرب لي ابد
3- ضعيف شخصيه وخواف بشكل مو طبيعي ويقص لي قصصه مع الخوف والصياح لدرجه اني استحقرته انه كرجال يكون بهالضعف كلمه اصيح عنده عادي لمواقف احس انها تافهه
4- دايم ساكت ويبغاني انا اللي دايم احكي ولو سكت وقلت ماعندي خلصت قال عيديهن و ماقال ولا كلمه لعلمكم هو مايطلع لا استراحات ولاشي بيتوتي يعني يعني مافي حوار بيننا احس تفكيره ضيق وان حكى باهله وبس
5- فيه غرور بشكله يمدح عيونه وانه ابيض ويقص لي قصص البنات يلاحقونه بالاسواق وهو مع اهله وقصص قريباته اللي يحبونه وامهاتهن كلمو امه علشان يتزوجهن وانه كثير يهدا عليه بنات وهو اللي يرفض وقالي ان 90% من المواصفات اللي يبيها لقاها فيني؟؟؟؟ ويحس انه ذوق وفاهم بالعربي اخذ بنفسه مقلب يعني
6- خياله وااااااااااااسع جدا لدرجه انه يتخيل شكل ولده ويوصفه لي؟ وكثير بلسانه تخيلي احس نفسي مع بزر اقوله انا ما اقدر اتخيل كذا
وهو معاه ثانوي وموظف وعمره 30

من الكلام اللي فوق ممكن تقولون ماحبك؟ بس يوم رحت بيت اهلي جا لاهلي يصيح يقول خلوها ترجع واحبها وين هالحب وانا عنده ماشفته ولاعبر عنه انا نفسي طابت منه
انا جامعيه موظفه عمري 27 والوالد الله يرحمه متوفي وانا طفله.
ويوم واجهه اخوي تعذر باعذار بايخه
1- الانتقاد يعتبره خفه دم وعلشان يمون علي ونصف الانتقادات انكرهن وقال هي انتقدتني بعد وكذب علي عند اخوي وقولني كلام ماقلته علشان يبرر موقفه
2- ماقال ولاكلمه حلوه بحجه انه خايف يروح بالي للجنس وانا طالبه منه يعطيني فرصه كم يوم اتعرف عليه وارتاح له
ما اتوقع ان فيه عروس يعاملها زوجها كذا الا اذا كان مايحبها وهذا يصيح علشان ارجع له
ما اقدر اعيش مع انسان همجي كذا مدري من وين جاي ومتاكده ان الطبايع ماتتغير او يتغير فتره ويرجع
اسالكم بالله ساعدوني فيه عروس يعاملها زوجها كذا وهو يقول يحبها
عجزت افهم شخصيته ما اقدر اعيش مع انسان يحطمني اقدر ارد عليه واعيب بشكله وبجسمه بس ما اتنزل اسوي كذا مع غريب وشلون عاد مع زوجي مع اني فهمته وقلت له الاحترام عندي اهم من الحب بس ولا على باله. مره يقولي ابيك تسمني ماتدخلي مع الباب ومره تزودي 4 كيلو بس ومره يقول اذا سمنتي لازم تدخلي نادي؟؟ جنني
تكفون ساعدوني والله اني بحاله مايعلم فيها الا الله

عفواً تم تعديل العنوان ليتضح المضمون
الإشراف